СУРГУУЛИЙН ЭРҮҮЛ МЭНД, АЮУЛГҮЙ БАЙДЛЫН ЧИГЛЭЛЭЭР ЯПОН УЛСАД ТУРШЛАГА СУДЛАВ

Эрүүл Монгол Хүн үндэсний хөдөлгөөний хүрээнд ЭМЯ, ЭМХТ, НЭМҮТ, МУБИС, АШУҮИС-ийн төлөөлөл бүхий баг Япон улсаас туршлага судлаад ирлээ. 

Уг арга хэмжээгээр Япон улсын Чиба мужийн их сургууль, тус сургуулийн харьяа бага сургууль, Такасаго дунд сургууль, Очаномизү их сургуулийн харьяа цэцэрлэгт очиж тус улсын ерөнхий боловсролын сургуулийн сургалтын орчин, хөтөлбөр, үйл ажиллагаатай танилцаж, цаашдын хамтын ажиллагааг өргөжүүлэхээр санал солилцлоо.

Өнөөдөр уг ажлын тайланг Ерөнхийлөгчийн Эрүүл мэндийн бодлогын зөвлөх, Эрүүл Монгол хүн төсөл, хөтөлбөр хариуцсан албаны дарга нарт танилцууллаа.