Эрхтэн шилжүүлэн суулгах чиглэлээр хамтран ажиллана.

Тус төвийн Эс, эд, эрхтнийг шилжүүлэн суулгах үйл ажиллагааг зохицуулах алба  Донорын тухай хуулийн хэрэгжилтийн хүрээнд Бүгд Найрамдах Энэтхэг Улсын BLK-MAX эмнэлгийн Монгол дахь төлөөлөгчийн газартай эрхтэн шилжүүлэн суулгах чиглэлээр хамтран ажиллахаар 2023 оны 5 дугаар сарын 23-ны өдөр уулзалт зохион байгууллаа. 

Уг уулзалтаар эрхтэн шилжүүлэн суулгах багийн эмч, эмнэлгийн мэргэжилтнийг мэргэжил дээшлүүлэх, туршлага судлах болон эрхтэн шилжүүлэн суулгуулах эмчилгээнд явж буй иргэдийг хянах, бүртгэх чиглэлээр мэдээлэл, санал солилцсон юм.