Гадаад хамтын ажиллагаагаа өргөжүүлсээр байна

Эрүүл мэндийн хөгжлийн төв болон БНТУ-ын Лив эмнэлгийн удирдлагууд уулзалт зохион байгуулж хамтын ажиллагааны хүрээнд 2023 онд хийх ажлын төлөвлөгөөгөө хэлэлцлээ.

Энэ онд зочин профессорын хөтөлбөр, хамтарсан сургалт, симпозиум зохион байгуулах, эмч эмнэлгийн мэргэжилтнүүдийг Турк улсад сургах зэрэг ажлуудыг хамтран хэрэгжүүлэхээр зөвшилцлөө.

Уулзалтын үеэр Лив эмнэлгийн төлөөлөл "Манай эмнэлэг нь улсдаа 2-т ордог том эмнэлэг тул Монгол улсад эмчлэгдэх боломжгүй өвчнийг эмчилдэг болох,   эмнэлэгтээ хийгддэг нарийн мэргэжлийн эмчилгээг нутагшуулах чиглэлээр хамтран ажиллаж дэмжлэг үзүүлэхдээ таатай байх болно" гэдгээ илэрхийллээ.