ХАМТРАН АЖИЛЛАХ ГЭРЭЭНИЙ ХЭРЭГЖИЛТИЙН ТАЙЛАНГИЙН ХУРАЛ БОЛЛОО

Монгол Улсын Донорын тухай хууль, дагалдан гарсан журмын хэрэгжилтийн хүрээнд 2019 онд байгуулсан “Хамтран ажиллах гурвалсан гэрээ”-ний тайлангийн хурлыг  ЭМЯ-ны Эмнэлгийн тусламжийн газартай хамтран  гэрээ байгуулсан 5 байгууллага оролцон  зохион байгууллаа.

ЭМХТ-ийн Эс, эд, эрхтнийг шилжүүлэн суулгах үйл ажиллагааг зохицуулах алба, Улсын нэгдүгээр төв эмнэлэг, Улсын гуравдугаар төв эмнэлэг, Хавдар судлалын үндэсний төв, Гэмтэл согог судлалын үндэсний төв 2019-2021 онд гэрээний хүрээнд  хийж гүйцэтгэсэн ажлаа тайлагналаа.