ХҮЙТЭН ХЭЛХЭЭНИЙ ТОНОГ ТӨХӨӨРӨМЖИЙН ЗАСВАР, ҮЙЛЧИЛГЭЭНИЙ СУРГАЛТ ЗОХИОН БАЙГУУЛЖ БАЙНА.

Эрүүл мэндийн яам, БНСУ-ын Олон улсын эрүүл мэндийн сан (KOFIH)-тай байгуулсан хамтран ажиллах санамж бичгийн хүрээнд “Монгол улсын эмнэлгийн тоног төхөөрөмжийн инженерүүдийн чадавхыг сайжруулах (CEOMETS) хөтөлбөр” хэрэгжиж байна. Тус хөтөлбөрийн хүрээнд эмнэлгийн тоног төхөөрөмжийн инженерүүдэд зориулсан 3 удаагийн сургалт байгуулах бөгөөд “Хүйтэн хэлхээний тоног төхөөрөмжийн засвар, үйлчилгээ”-ний сургалтыг Эрүүл мэндийн хөгжлийн төв, Халдварт өвчин судлалын үндэсний төв хамтран 2026 оны 07 дугаар сарын 27-31-ний өдрүүдэд зохион байгуулж байна.

Халдварт өвчин судлалын үндэсний төвийн Вакцин биобэлдмэлийн төвийг түшиглэн зохион байгуулж буй онол, практик хосолсон уг сургалтад Бүсийн оношилгоо, эмчилгээний төв, аймгийн нэгдсэн эмнэлэг, алслагдсан дүүргийн нийт 15 эмнэлгийн тоног төхөөрөмжийн инженер оролцож байна.