Эрүүл мэндийн хөгжлийн төв БНЭУ-ын Аполло эмнэлэгтэй хамтын ажиллагааны санамж бичиг байгууллаа

Эрүүл мэндийн хөгжлийн төв нь БНЭУ-ын Аполло эмнэлэг, байгууллагатай өнөөдөр /2025.12.11/ “Хамтын ажиллагааны санамж бичиг” байгуулж байна. Санамж бичиг зурах үйл ажиллагаанд ЭМХТ-ийг төлөөлөн төвийн захирал М.Одгэрэл, албадын дарга нар болон БНЭУ- Аполло эмнэлгийн талаас Apollo Hospitals Enterprise Ltd.-ийн Дэд ерөнхийлөгч Др. Картик Анантараман нар  оролцлоо

Уг санамж бичгийн хүрээнд  хорт хавдрын эмчилгээний дэвшилтэт технологи, орчин үеийн хавдрын эмчилгээний хөгжлийг танилцуулах, Монгол-Энэтхэгийн хавдрын тусламж, үйлчилгээний хамтын ажиллагааг өргөжүүлэх юм.

1. Протон эмчилгээ болон орчин үеийн хавдрын эмчилгээний ахиц дэвшлийг Монголын мэргэжилтнүүдэд танилцуулах,
2. Монгол-Энэтхэгийн хавдрын тусламж, үйлчилгээний хамтын ажиллагааг өргөжүүлэх,
3. Хавдрын тусламжийн зорилтот бүлгийг тодорхойлох асуудлаар мэргэжлийн түвшний хэлэлцүүлэг өрнүүлэх,
4. Мэс засал, хавдар судлал болон бусад чиглэлийн эмч нарыг чадавхжууах юм

Түүнчлэн уг санамж бичгийн хүрээнд өнөөдөр 14:00 цагаас “Хавдрын эмчилгээний сүүлийн үеийн дэвшил” сэдвээр сургалт зохион байгуулна. Сургалтаар Протон эмчилгээ хичээлүүдийг БНЭУ-ын Аполло  эмнэлгийн эмч нар заах бөгөөд манай улсын төрөлжсөн мэргэжлийн эмнэлгүүдийн мэс заслын чиглэлийн эмч нар болох 50 хүн хамрагдлаа.