“Нярай болон хүүхдийн аюулгүй тусламж, үйлчилгээ” сургалт зохион байгуулав

Жил бүрийн 9 дүгээр сарын 17-ны өдөр тохиодог “Дэлхийн үйлчлүүлэгчийн аюулгүй байдлын өдөр”-ийн хүрээнд энэ жил “Нярай болон хүүхэд бүрд аюулгүй тусламж, үйлчилгээ” сэдвээр сургалт 2025 оны 9 дүгээр сарын 16-ны өдөр зохион байгуулагдлаа.

Сургалтыг Эрүүл мэндийн яам, ЭМХТ-ийн Тусламж, үйлчилгээний чанар, магадлан итгэмжлэлийн алба болон Эх, хүүхдийн эрүүл мэндийн үндэсний төв хамтран зохион байгуулж, нийслэл болон орон нутгийн эрүүл мэндийн байгууллагын 200 гаруй эмч, эмнэлгийн мэргэжилтнүүд танхим болон цахимаар оролцов.

Сургалтын үеэр нярай, хүүхдийн тусламжийн аюулгүй байдал, чанарын өнөөгийн байдал, ДЭМБ-ын бодлого, нярайн эндэгдэл, хүүхдийн хурц хордолт болон эмчилгээний шинэ технологи зэрэг чухал сэдвүүдийг хэлэлцэж, сайн туршлагуудыг хуваалцав.