ЭМНЭЛЗҮЙН СУРГАГЧ БАГШ БЭЛТГЭХ СУРГАЛТ ЯВАГДАЖ БАЙНА.

Монгол Улсын эрүүл мэндийн яам, Япон Улсын Жайка олон улсын байгууллага хамтран 2021-2024 оны хооронд хэрэгжүүлж буй "Эмч ба сувилагчийн төгсөлтийн дараах сургалтыг сайжруулах төсөл"-ийн хүрээнд "Сувилахуйн сургагч багш бэлтгэх” ээлжит сургалтыг 2024 оны 11 дүгээр сарын 27-29-ний өдрүүдэд зохион байгуулж байна.

 Тус сургалтыг Сүхбаатар дүүргийн Эрүүл мэндийн төвөөс ирүүлсэн хүсэлтийн дагуу зохион байгуулж байгаа ба сургалтад Сүхбаатар дүүргийн Эрүүл мэндийн төв, өрхийн эрүүл мэндийн төвийн 24 сувилагч суралцаж байна.

Төслийн хүрээнд Сувилахуйн эмнэл зүйн сургагч багшийн сургалтыг нийт 18 удаа зохион байгуулсан ба сургагч багшаар 400 гаруй, чиглүүлэгч багшаар 40 гаруй сувилагчийг сургаж чадавхжуулсан байна.

Цаашид сургалтыг өргөн хүрээнд зохион байгуулж, илүү олон сувилагч нарыг хамруулснаар төгсөлтийн дараах сургалтыг удирдах, багшлах чадамжтай болох юм.