Уламжлалт Анагаах Ухааны үзлэг зохион байгууллаа

Эрүүл мэндийн хөгжлийн төв, БНХАУ-ын ӨМӨЗО-ны Хөх хотын Олон улсын Монгол эмнэлгийн хамтын ажиллагааны хүрээнд Олон улсын Монгол эмнэлгээс хүрэлцэн ирсэн зөвлөх эмч нар 11 дүгээр сарын 6-ны өдөр Улсын нэгдүгээр төв эмнэлэг дээр ажиллаж, уламжлалт анагаах ухааны дотор, мэдрэл, зүрх, үе мөчний чиглэлээр үзлэг хийж, уламжлалт эмийн эмчилгээ, зүү, ясны бариа заслын тусламж үйлчилгээ үзүүллээ.

Энэхүү үзлэгт 300 гаруй иргэд хамрагдсан бөгөөд үзлэгийн үеэр уламжлалт анагаах ухааны эмч, мэргэжилтэн, резидент эмч нар дагалдан суралцаж, ур чадвараа дээшлүүллээ.