Эмнэлзүйн UpToDate цахим платформын албан ёсны эзэмшигч Wolters Kluwer компанийн төлөөлөгчдийг хүлээн авч уулзлаа

Тус төвийн захирал Б.Нарантуяа Wolters Kluwer компаний Монгол улсыг хариуцсан ажилтан Харолд Ку, борлуулалт хариуцсан ажилтан Норман Дэри, хэрэглэгчийн асуудал хариуцсан ажилтан Жинжер Чанг нарыг 2024 оны 10 дугаар сарын 9-ний өдөр хүлээн авч уулзлаа.

Тэрбээр нотолгоонд суурилсан UpToDate цахим платформыг Монгол эмч нар хэрэглэж эхэлснээс хойш даруй 3 жилийн хугацаа өнгөрч,  7000 орчим эмнэлгийн мэргэжилтэн UpToDate-с нотолгоонд суурилсан мэдээлэл авч, эмчилгээ, оношилгоонд ашиглаж байгааг сайшаан тэмдэглэлээ.

Уулзалтын үеэр Wolters Kluwer компаний ажилтан Харолд Ку Монголын эмч нарын хэрэглээтэй холбоотой тайланг танилцуулав. Мөн талууд цаашдын хамтын ажиллагааны талаар санал солилцсон болно.