ШИНЭ СУВИЛАГЧИЙГ ДАДЛАГАЖУУЛАН СУРГАХ ХӨТӨЛБӨРИЙГ ХЭРЭГЖҮҮЛЭХ ТУХАЙ СУРГАЛТ, ХЭЛЭЛЦҮҮЛЭГ ЗОХИОН БАЙГУУЛЖ БАЙНА.

ЭМЯ, ЭМХТ,  Япон Улсын “Жайка” олон улсын байгууллага хамтран хэрэгжүүлж буй “Эмч ба сувилагчийн төгсөлтийн дараах сургалтыг сайжруулах”  төслийн хүрээнд "Шинэ сувилагчийг ажлын байранд  дадлагажуулан сургах сургалтын хөтөлбөр"-ийг боловсруулж, батлуулсан.

Уг хөтөлбөрөөр  анхны сургалтыг Орхон аймгийн Бүсийн оношилгоо, эмчилгээний төв болон Улсын хоёрдугаар төв эмнэлэг  эхлүүлээд байна.

Цаашид энэхүү хөтөлбөрийг улсын хэмжээнд нэвтрүүлэхээр орон нутагт дэмжлэг үзүүлэн арга зүйн зөвөлгөө өгч ажиллаж байгаа ба энэ удаа Архангай, Өвөрхангай, Говь-Алтай, Завхан аймагт ажиллалаа.

Шинэ сувилагчийг ажлын байран дээр нь сургаж дадлагажуулах хөтөлбөр нь шинэ сувилагчийг өөрийн байгууллагад ээнэгшүүлэн дасгаж хүлээн авах, сэтгэл зүйг нь бэлдэж, цаашид тогтвор суурьшилтай, үр бүтээмжтэй ажиллахад  дэмжлэг үзүүлэх ач холбогдолтой юм.