Сургалтууд үргэлжилсээр байна

Тус төвөөс НҮБ-ын Хүүхдийн сан, ЭХЭМҮТ-тэй хамтран орон нутгийн хүүхдийн эмч нарт “СТРЕПТОКОККИЙН АНГИНА, ФАРИНГИТ, ХЭРЭХ ӨВЧИН, ХЭРЭХИЙН ШАЛТГААНТ, ЗҮРХНИЙ ОЛДМОЛ ГАЖГИЙГ ЭРТ ОНОШЛОХ ЧАДАВХИ ОЛГОХ" сургалтыг зохион байгуулж байгаа билээ. 

Сургалт 2024 оны 3 дугаар сарын 13-наас эхэлсэн бөгөөд аймаг бүрээс 2 хүүхдийн эмчийг сургагч багшаар сурган улмаар эдгээр сургагч багш,  ЭХЭМҮТ-ийн мэргэжилтнүүдтэй хамтран орон нутгийн сургалтуудаа зохион байгуулж байна.

Одоогоор 15 аймагт сургалт зохион байгуулаад байгаа бөгөөд үлдсэн аймгуудад энэ оны 9-10 дугаар саруудад сургалтууд зохион байгуулж дуусах юм.