УЛАМЖЛАЛТ АНАГААХ УХААНЫ ХҮНИЙ НӨӨЦИЙН ӨНӨӨГИЙН БАЙДАЛ, ТУЛГАМДАЖ БУЙ АСУУДЛААР ЦАХИМ ХЭЛЭЛЦҮҮЛЭГ ЗОХИОН БАЙГУУЛАГДЛАА

Уламжлалт анагаах ухааны эмч, эмнэлгийн мэргэжилтний хөгжих замналыг тодорхойлох, хүний нөөцийн хөгжлийн бодлогыг хэрэгжүүлэхэд шаардлагатай мэдээллийг нэгтгэх, боловсруулах, эмнэлгийн тусламж, үйлчилгээний чанар, хүртээмжийг дээшлүүлэх зорилгоор цахим хэлэлцүүлгийг 2024 оны 08 сарын 19-ний өдөр зохион байгууллаа. 

Эхний удаагийн цахим хэлэлцүүлэгт Говь-Алтай,Дундговь, Дорноговь, Сүхбаатар, Хэнтий, Завхан аймгийн Уламжлалт анагаах ухааны төв, Уламжлалт анагаах ухааны нэгдсэн эмнэлэг болон бусад орон нутгийн ЭМГ-ын Уламжлалт анагаах ухааны асуудал хариуцсан мэргэжилтэн, уламжлалт анагаах ухааны эмч, эмнэлгийн мэргэжилтэн зэрэг нийт 56 төлөөлөл оролцлоо. 

Дараагийн шатны хэлэлцүүлгээр төрөлжсөн мэргэшлийн эмнэлэг, тусгай мэргэжлийн төв эмнэлэг, хувийн хэвшлийн эрүүл мэндийн байгууллага, анагаах ухааны боловсрол олгох их дээд сургуулиуд болон уламжлалт эмийн үйлдвэрийн төлөөллийг хамруулахаар төлөвлөж байна.