АРХАНГАЙ АЙМАГТ БҮСЧИЛСЭН АЖЛЫН БАЙРНЫ СУРГАЛТ ЗОХИОН БАЙГУУЛЖ БАЙНА.

Орон нутгийн эрүүл мэндийн байгууллагын хүний нөөцийг чадавхжуулах, эрүүл мэндийн байгууллагыг мэргэжил арга зүйгээр хангах ажлын хүрээнд Архангай аймагт  зохион байгуулж буй ажлын байрны сургалт үргэлжилж байна.

Өнөөдөр Архангай аймгийн хойд бүсийн сумдын багийн эмч нарыг оролцуулан ажлын байрны сургалтыг Өндөр-Улаан суманд зохион байгууллаа.

Тус сургалтад Тариат, Цахир, Хангай, Өндөр-Улаан, Ихтамир, Чулуут, Булган сумын эрүүл мэндийн төвийн 40 орчим багийн эмч оролцлоо.

Сургалтын үеэр багийн эмч нарт Эрүүл мэндийн яамнаас олгосон зөөврийн комьпютерийг гардууллаа.

Сургалтын хүрээнд эрүүл мэндийн байгууллагын магадлан итгэмжлэл, эрүүл мэндийн ажилтны бүртгэлийн нэгдсэн сан, тохиолдлын бүртгэл мэдээлэл, статистик бүртгэл мэдээлэл, мэдээллийн технологи, цахим программын талаар мэдээлэл олгож байна.