Ээлжит мэдээллийн цаг боллоо

Тус төвөөс 14 хоног тутамд байгууллагын дотоод мэдээлэл солилцох, ажлын байрны сургалт зохион байгуулах, албад үйл ажиллагааны танилцуулга хийх зэргээр нийт албан хаагчдад зориулсан мэдээллийн цагийг зохион байгуулдаг.

Энэ удаагийн Мэдээллийн цагийг Захиргаа, санхүү, удирдлагын алба төвийн Эцэг эхийн зөвлөлтэй хамтран зохион байгуулсан бөгөөд ЗСУА-наас "Төвийн 2024 оны эхний улирлын үйл ажиллагааны дүгнэлт", эцэг эхийн зөвлөлөөс Хүүхдийн баярын арга хэмжээг хэрхэн тэмдэглэх талаар мэдээлэл хийлээ.

Ажлын цаг ашиглалт, цахим хуудсанд мэдээлэл байршуулсан тоо хэмжээ, бичиг хэргийн материал болон ус, цахилгааны зарцуулалт, архив, албан хэрэг хөтлөлт, хөтөчийн үүрэгт ажил хэрхэн гүйцэтгэсэн талаар зэрэг төвийн албан хаагчдын дотоод үйл ажиллагааны талаарх тоо мэдээллийг дүгнэлттэйгээр танилцуулсан.