“ТӨРИЙН БҮТЭЭМЖИЙН СЭРГЭЛТ-ЦАХИМ ЭРҮҮЛ МЭНД” СУРГАЛТЫГ НАЛАЙХ ДҮҮРЭГТ ЗОХИОН БАЙГУУЛЛАА

Налайх дүүргийн соёлын ордонд зохион байгуулсан уг сургалтад нийслэлийн алслагдсан Налайх, Багануур, Багахангай дүүргийн эмч, мэргэжилтнүүд, ЭМЯ, ЦХХХЯ, харьяа газруудын төлөөлөл 250 орчим хүн оролцлоо.

Сургалтад оролцогсдод хандан Эрүүл мэндийн яамны Төрийн нарийн бичгийн дарга Д.Очирбат, Цахим хөгжил, харилцаа холбооны яамны Төрийн нарийн бичгийн дарга Б.Батцэцэг нар хэлсэн үгэндээ эрүүл мэндийн салбарын цахим шилжилтийг амжилттай хэрэгжүүлэхэд эрүүл мэндийн салбарт ажиллаж буй хүн бүрийн оролцоо, хандлага, мэдлэг, туршлага, хичээл зүтгэл хэрэгтэйг онцоллоо.

Цахим шилжилт нь эрүүл мэндийн байгууллагын үйл ажиллагаа, удирдлага зохион байгуулалтын олон асуудлыг шийдэх, цаг хугацаа орон зайнаас үл хамааран хэрэглэгчдийн эрэлт хэрэгцээнд нийцсэн тусламж, үйлчилгээг хүргэх чухал ач холбогдолтой.