’Эс, эд, эрхтэн шилжүүлэн суулгах эмчилгээний өнөөгийн байдал’’ сэдэвт сургалтыг зохион байгууллаа

Тус төвийн ЭЭЭШСҮАЗА-наас эрхтэн шилжүүлэн суулгах эмчилгээний талаар эрүүл мэндийн ажилтнуудын мэдлэг, мэдээллийг сайжруулах зорилгоор хэрэгцээт сургалтуудыг тогтмол явуулдаг. 

Энэ удаад ГССҮТ, ХСҮТ-ийн төгсөлтийн дараах үндсэн болон төрөлжсөн мэргэшлээр суралцаж буй эмч, эмнэлгийн мэргэжилтнүүд,  АШУҮИС-ийн эмчилгээний болон нийгмийн эрүүл мэндийн сургуулийн төгсөх курсийн оюутнуудад ‘’Эс, эд, эрхтэн шилжүүлэн суулгах эмчилгээний өнөөгийн байдал’’ сэдэвт сургалтыг зохион байгууллаа. 

Сургалтад 200 гаруй эмч, оюутнууд оролцож УНТЭ-ийн эрчимт эмчилгээний тасгийн зөвлөх эмч Ц.Ганбат, ЭЭЭШСҮАЗА-ны мэргэжилтэн Г.Батцэцэг, Я.Бадамсүрэн нар Эрхтэн шилжүүлэн суулгах эмчилгээний өнөөгийн байдал, дэлхий нийтийн чиг хандлага, манай орны эрхтэн шилжүүлэн суулгах эмчилгээний талаар мэдээлэл хийн лекц уншиж, оролцогчдын сонирхсон асуултад хариулт өглөө.