Ажлын хэсгийн уулзалт зохион байгууллаа

Бүх нийтийн эрүүл мэндийн хамралтыг бодитой болгох, Тогтвортой хөгжлийн  эрүүл мэндийн зорилтыг хангах гол хөдөлгөгч хүч нь “Анхан шатны тусламж, үйлчилгээ” хэмээн ДЭМБ  тодорхойлсон.

Иймээс манай төв Глобаль сан, НҮБ-ын Хүүхдийн сантай хамтран ДЭМБ-аас гаргасан ОНЭМА-г бэлтгэх сургалтын модулийг орчуулж, өөрийн орны эрүүл мэндийн анхан шатны тусламж, үйлчилгээний тогтолцоотой уялдуулж, хянан тохируулга хийн боловсруулаад байна.

Дээрх сургалтын хөтөлбөрийн дагуу олон нийтийн эрүүл мэндийн ажилтан /ОНЭМА/ бэлтгэх сургагч багшийн сургалт зохион байгуулах зорилгоор төвийн захирлын тушаалаар байгуулагдсан ажлын  хэсгийн анхдугаар хурлыг 4 дүгээр сарын 26-ны өдөр зохион байгууллаа.