Хандивын аянд нэгдлээ

Эрүүл мэндийн хөгжлийн төвийн хамт олон зудын аюулд нэрвэгдээд байгаа малчдад туслах хандивын аянд нэгдлээ.

Энэ хүрээнд албан хаагчид нэг өдрийн цалин болох 5.040.000 (таван сая дөчин мянга) төгрөгөөр  40 ширхэг бодын нэмнээ, лаа, шүдэнз, 25 хос ажлын дулаан хувцас худалдан авч Архангай аймгийн Эрүүл мэндийн газрын дарга Р.Гандиймаад захирал Б.Нарантуяа, Гамшгийн штабын дарга Д.Бямбасүрэн нар хүлээлгэн өглөө.

Эдгээр дулаан хувцсыг алслагдсан орон нутгийн хүн амд эрүүл мэндийн тусламж үзүүлэн, байгалийн давагдашгүй хүчин зүйлийн эсрэг цаг наргүй хүрч ажиллаж байгаа  сумын эрүүл мэндийн төвийн эмч, жолооч нарын хэрэгцээнд зориулан хандивлаж байгаагаараа онцлог юм.