Цус сэлбэлт судлалын үндэсний төвийн төгсөлтийн дараах мэргэжил дээшлүүлэх сургалтын үйл ажиллагаанд явцын үнэлгээ хийлээ

Эмнэлгийн мэргэжилтний төгсөлтийн дараах мэргэжил дээшлүүлэх сургалтын үйл ажиллагааны явцын үнэлгээ үргэлжилж байна.

Өнөөдөр хуваарийн дагуу Цус сэлбэлт судлалын үндэсний төвийн төгсөлтийн дараах мэргэжил дээшлүүлэх “Цус, цусан бүтээгдэхүүний технологич” 3 сарын хугацаатай сургалтын үйл ажиллагаанд явцын үнэлгээ хийлээ.

Үнэлгээгээр  сургалтын зохион байгуулалт, сургалтын хөтөлбөр, төлөвлөгөөний хэрэгжилт, элсэлт төгсөлтийн үйл ажиллагааны баримт материал, орчин нөхцөлтэй танилцлаа.

Энэ үеэр ЦССҮТ-ийн захирал Н.Эрдэнэбаяр тусламж, үйлчилгээний онцлог, чадавхи, тулгамдаж буй асуудал, орон нутгийн салбар цусны төвийн хүний нөөцийн хэрэгцээ, хангалтын талаар товч танилцуулж, сургалтын хөтөлбөрийн шинэчлэл, өөрчлөлтийн талаар санал солилцлоо.