Явцын үнэлгээ хийж байна.

Төвийн захирлын 2024 оны А/03 дугаар тушаалаар батлагдсан удирдамжийн дагуу эмнэлгийн мэргэжилтний төгсөлтийн дараах сургалт эрхлэх байгууллагын сургалтын үйл ажиллагаанд явцын үнэлгээ хийх ажил үргэлжилж байна.

Энэ хүрээнд Улсын нэгдүгээр төв эмнэлгийн мэргэжил дээшлүүлэх сургалтын их эмчийн 13, сувилагч тусгай мэргэжилтний 10, Хавдар судлалын үндэсний төвийн хавдрын мэс заслын 8 чиглэлийн мэргэжил дээшлүүлэх сургалтын үйл ажиллагаанд явцын үнэлгээ хийлээ.  

Үнэлгээний ажлын хэсгийн бүрэлдэхүүнд Эрүүл мэндийн яамны дэргэдэх Дотрын анагаах судлал, Сувилахуй, Хавдар судлалын мэргэжлийн салбар зөвлөл, сургалт эрхлэх байгууллагын төлөөлөл оролцсон.

Үнэлгээг сургалтын удирдлага, зохион байгуулалт, сургалтын хөтөлбөр, төлөвлөгөөний хэрэгжилт, багшлах бүрэлдэхүүн, сургалтын үнэлгээ, орчин нөхцөл, суралцагчдад үзүүлэх дэмжлэг, сургалтын зардлын зохистой зарцуулалт гэсэн агуулгын хүрээнд хийж, сургалтын хөтөлбөр төлөвлөгөөний хэрэгжилт,  багшлах бүрэлдэхүүн, сургалтын орчинтой танилцлаа.