Ахмадуудаа хүндэтгэн хүлээн авлаа

Цагаан сарын баярыг угтаж тус төвийн Удирдлагын зөвлөл, хамт олон ахмадуудаа хүлээн авч хүндэтгэл үзүүллээ.

Уулзалтын үеэр төвийн захирал Б.Нарантуяа ахмадуудаа хүлээн авч, уулзаж байгаадаа баяртай байгаагаа илэрхийлэн, өнгөрсөн хугацаанд хийж гүйцэтгэсэн ажлын амжилт, цаашид хэрэгжүүлэхээр төлөвлөж буй ажлынхаа талаар танилцууллаа.

Төвийн захирлаар ажиллаж байсан Ц.Содномпил болон ахмадын холбооны тэргүүн, албаны дарга асан С.Өлзийсайхан, Ч.Батнасан нар санал, сэтгэгдлээ илэрхийлж, цаашид байгууллага, албан хаагчдын хөгжил, дэвшлийн төлөө хэрхэн хамтран ажиллах талаараа санал солилцлоо.