Орон нутгийн эрүүл мэндийн байгууллагын удирдах ажилтнууд богино хугацааны гадаад сургалтад хамрагдаж байна.

Эрүүл мэндийн байгууллагын хүний нөөц нэн ялангуяа орон нутгийн эрүүл мэндийн байгууллагын хүний нөөцийг тогтвор суурьшилтай ажиллуулах, тэдний чадавхыг бэхжүүлэх зорилгоор 2023 онд 200 сувилагч, эх баригч, 84 хөдөөгийн багийн бага эмч нарыг гадаад сургалтад хамруулсан. 

Тус сургалтыг өргөжүүлж энэ удаад орон нутгийн эрүүл мэндийн байгууллагын удирдах ажилтнуудыг  БНСУ-д гадаад сургалтад хамруулж байна. Эрүүл мэндийн байгууллагын менежмент, байгууллагын хөгжил, алсын хараа, эрүүл мэндийн даатгал, санхүүжилтийн тогтолцоо, эмнэлгийн тусламж, үйлчилгээний чанар, аюулгүй байдал, удирдах ажилтны ёс зүй, манлайлал, байгууллагын соёл сэдвийн хүрээнд туршлага судлах уулзалт, сургалтад оролцож байна.