Багийн эмч нарын мэргэжил дээшлүүлэх гадаад сургалт зохион байгуулагдаж байна.

Эрүүл мэндийн сайдын санаачилгаар эрүүл мэндийн салбарын хүний нөөцийн чадавхийг бэхжүүлэх зорилгоор БНХАУ-н ӨМӨЗО-ны Хөх хотод зохион байгуулж буй 18 сумын багийн бага эмч нарын сургалт 2 дахь өдрөө амжилттай үргэлжилж байна.

Энэ өдөр сургалтын үйл ажиллагааг нээж БНХАУ-ын ӨМӨЗО-ны Олон улсын Монгол эмнэлгийн хорооны намын хорооны дэд дарга Хурцаа, Монгол эмнэлгийн дарга Чинсанаа, ЭМХТ-н мэргэжилтэн Ц.Даваахүү нар оролцлоо.

Энэхүү сургалт нь ажлын байрны туршлага судлах, эмнэлзүйн онол дадлага хосолсон мэргэжлийн сургалт юм. Сум орон нутгийн багийн бага эмч нар гадаад сургалтаар суралцаж мэдсэн ололт амжилтаа цаашдын үйл ажиллагаандаа нэвтрүүлж хэрэгжүүлэн ажиллах боломжтой юм.