Сэрэмжлүүлэг хүргүүлж байна.

Тус төв ЭМС-ын 2023 оны А/295 дугаар тушаалаар батлагдсан “Зөвшөөрлийн шалгалт зохион байгуулах журам”-ын дагуу эмнэлгийн мэргэжилтний мэргэжлийн үйл ажиллагаа эрхлэх тусгай зөвшөөрлийн шалгалтыг сар бүр цахим хэлбэрээр зохион байгуулдаг.

Сүүлийн үед Facebook-ээр “Лицензийн шалгалтанд бүх мэргэжлээр тэнцэхэд туслана” гэсэн зарууд их явж байгаа тул эмнэлгийн мэргэжилтнүүд худал мэдээлэлд хууртан залилуулахгүй байх, цаашлаад хүний өмнөөс шалгалт өгсөн болон хүнээр шалгалт өгүүлсэн зэрэг тохиолдолд Зөвшөөрлийн тухай хуулийн 6.2.1.6 заасны дагуу зөвшөөрлийг хүчингүй болгох, мэргэжлээрээ ажиллах боломжгүй болох зэрэг хор нөлөө, сөрөг үр дагавар үүсэж болзошгүй тул та бүхэнд анхааруулга сэрэмжлүүлэг хүргэж байна. 

    Жич: Эрүүл мэндийн хөгжлийн төвөөс Авлигын эсрэг хууль, Эмнэлгийн мэргэжилтний ёс зүйн дүрэм, бусад холбогдох хууль, журам зөрчсөн эдгээр зарлалын дагуу Авлигатай тэмцэх газарт албан бичиг хүргүүлсэн.