Гадаад сургалтын тайлангийн цахим хурал боллоо

Эрүүл мэндийн салбарын хүний нөөцийн чадавхыг бэхжүүлж, сувилагч, эх баригчийн мэргэжлийн ур чадварыг нэмэгдүүлэх, тогтвор суурьшилтай ажиллуулах зорилгоор ЭМС-ын 2023 оны А/264 дугаар тушаалаар батлагдсан удирдамжийн дагуу аймаг, нийслэлийн 192 эх баригч, сувилагчдыг Бүгд Найрамдах Солонгос Улс болон Бүгд Найрамдах Хятад Ард Улсад суралцуулж байгаа билээ.

Энэхүү үйл ажиллагааны хүрээнд орон нутаг, нийслэлийн эрүүл мэндийн байгууллагаас шалгуур хангаж 11 дүгээр сарын 27-ноос  12 дугаар сарын 01-ны өдрүүдэд болон 12 дугаар сарын 4-8-ны өдрүүдэд БНСУ-д богино хугацааны сургалтад хамрагдсан  43 эх баригч, сувилагч нартай өнөөдөр үр дүнгийн тайлангийн хурлыг цахимаар зохион байгууллаа.

Тэд сургалтын явцад мэдсэн сурснаа нэгэндээ хуваалцан, өөрийн байгууллагад нэвтрүүлж болох болон нэвтрүүлээд байгаа шинэ мэдлэг, туршлагаа солилцлоо.