"Томуу, томуу төст өвчний оношилгоо, эмчилгээ" сэдвээр цахим сургалт хийлээ.

Томуу, томуу төст өвчин идэвхжлийн түвшинд шилжсэнтэй холбогдуулан ЭХЭМҮТ-тэй хамтран "Томуу, томуу төст өвчний оношилгоо, эмчилгээ" сэдвээр аймаг, нийслэлийн эрүүл мэндийн байгууллагын эмч, резидент эмч нарыг чадавхжуулах ээлжит цахим сургалтыг өнөөдөр зохион байгууллаа.

Сургалтад 300 гаруй өрх, сумын эрүүл мэндийн байгууллагын эмч, резидент эмч нар хамрагдлаа.

Сургалтыг ЭХЭМҮТ-ийн Эмчилгээ эрхэлсэн дэд захирал Т.Болормаа нээж, тус төвийн ЭМТҮЧАБА-ны дарга А.Оюунчимэг, Хүүхдийн эрчимт эмчилгээний тасгийн эрхлэгч Р.Батсолонго, тус тасгийн их эмч Б.Энхтайван, Амьсгалын эрхтний эмгэг судлалын тасгийн эрхлэгч Б.Ариунхишиг, Нярайн эмгэг судлалын тасгийн эрхлэгч Г.Батцэнгэл нар хичээл заалаа.