БАГИЙН ЭМЧ НАРЫГ ЧАДАВХЖУУЛАХ БОГИНО ХУГАЦААНЫ СУРГАЛТ ЯВАГДАЖ БАЙНА

Эрүүл мэндийн сайдын санаачилгаар эрүүл мэндийн байгууллагын хүний нөөц нэн ялангуяа орон нутгийн эрүүл мэндийн байгууллагын эмнэлгийн мэргэжилтэнг тогтвор суурьшилтай ажиллуулах, тэдний чадавхыг бэхжүүлэх зорилгоор 18 аймгийн 84 багийн бага эмч нарыг чадавхжуулах сургалтыг  12 дугаар сарын 18-22-ны өдрүүдэд БНХАУ-ын Олон улсын Монгол эмнэлгийн хороонд зохион байгуулж байна.

Сургалтын нээлтийн үйл ажиллагаанд ӨМӨЗО-ны Олон улсын Монгол эмнэлгийн хорооны намын хорооны дарга Билгээ, дэд дарга Хурцаа, ЭМХТ-ийн албаны дарга Д.Бямбасүрэн нар оролцлоо. 

Энэхүү сургалт нь онол, дадлага хосолсон ажлын байрны туршлага судлах сургалт  юм. Сум орон нутгийн багийн эмч нар маань энэхүү сургалтаар суралцсан ололт амжилтаа цаашдын үйл ажиллагаандаа хэрэгжүүлэн ажиллах боломжтой юм.