Сувилагчдын гадаад сургалт үргэлжилсээр...

Эрүүл мэндийн сайдын санаачлагаар хэрэгжүүлж буй Сувилахуйн тусламж үйлчилгээ үзүүлдэг мэргэжилтний чадавхыг дээшлүүлэх, сувилахуйн тусламж үйлчилгээний чанар, аюулгүй байдлыг сайжруулах зорилгоор БНСУ, БНХАУ-д туршлага судлах сургалтыг Эрүүл мэндийн хөгжлийн төвөөс зохион байгуулж байгаа билээ. 

Энэхүү үйл ажиллагааны хүрээнд БНСУ-ын эрүүл мэндийн байгууллагаас туршлага судлах 4-р ээлжийн сургалтыг тус улсын Кёнги аймгийн захирагчийн албатай хамтран энэ сарын 04-08-ны өдрүүдэд зохион байгуулж 11 аймгийн 22 эх баригч, сувилагчдаас бүрдсэн багийг 5 хоногийн хугацаанд хамруулж, сургалтын гэрчилгээ олгов.

Сургалтаар БНСУ-ын СүнЧонХян Их сургуулийн Бүчон эмнэлэг, Шихва эмнэлэг, Ёжү хотын эрүүл мэндийн төв, Кёнги аймгийн Ичон эмнэлэг, Ажү Их Сургуулийн эмнэлгийн сувилахуйн тэнхимийн үйл ажиллагаа, тусламж үйлчилгээний чанар аюулгүй байдал, сувилагчийн гүйцэтгэж буй үүрэг, шинэ сувилагчийг хэрхэн сургаж, дадлагажуулдаг талаар туршлага судаллаа.