“Эрүүл мэндийн үйлчилгээнд тавих шаардлага” MNS 7014:2023 стандартын сургалт зохион байгууллаа

“Эрүүл мэндийн үйлчилгээнд тавих шаардлага” MNS 7014:2023 стандарт шинээр батлагдаж, энэ оны 7 дугаар сараас эрүүл мэндийн салбар мөрдөж эхэлсэн.

Уг стандартыг  эмнэлгийн мэргэжилтэн, ажилтнуудад танилцуулах, сурталчлах ээлжит сургалтыг  Монголын сумын эмч мэргэжилтнүүдийн холбоотой хамтран энэ сарын 14,15-ны өдрүүдэд зохион байгуулж байна.

Сургалтад 18 аймгийн 40 сумын эрүүл мэндийн төвийн эмнэлгийн мэргэжилтэн танхимаар хамрагдаж байна.

Эрүүл мэндийн байгууллага иргэдэд ойлгомжтой, чирэгдэлгүй, шуурхай байдлаар тав тухтай орчинд үйлчилгээ үзүүлж, үйлчлүүлэгчийн сэтгэл ханамжийг нэмэгдүүлэх нь эмнэлгийн тусламж, үйлчилгээ чанартай, хүртээмжтэй байх гол нөхцөл юм.