Гадаад сургалтад хамрагдсан эмнэлгийн мэргэжилтнүүд үр дүнгийн тайлангийн цахим хурал хийлээ.

Эрүүл мэндийн сайд С.Чинзоригийн санаачлагаар хэрэгжүүлж буй БНХАУ, БНСУ-д нийт 200 сувилагч, эх баригчийг сургах ажлыг ЭМХТ-өөс зохион байгуулж байгаа ба БНСУ улсад сургалтад хамрагдсан 1-р ээлжийн 17 сувилагч, эх баригч тус улсын "Soonchunhyang University Hospital" эмнэлэгт амжилттай суралцан ирсэн билээ.

    Сургалтад хамрагдсан эмнэлгийн мэргэжилтнүүд үр дүнгийн тайлангийн хурлыг энэ сарын 27-ны өдөр зохион байгуулж, сургалтад хамрагдсан мэргэжилтний тайланг хэлэлцэхээс гадна сургалтын талаарх сэтгэгдэл, санал хүсэлт, энэхүү сургалтаар сурч мэдсэн зүйлсээ цаашид хэрхэн өөрийн байгууллагадаа нутагшуулах талаар ярилцлаа.