“Олон нийтийн эрүүл мэндийн ажилтан бэлтгэх үндэсний сургагч багш бэлтгэх” сургалт боллоо

Эрүүл мэндийн яам, Эрүүл мэндийн хөгжлийн төв НҮБ-ын Хүүхдийн сантай хамтран “Олон нийтийн эрүүл мэндийн ажилтан бэлтгэх үндэсний сургагч багш бэлтгэх” сургалтыг энэ сарын 24-26 өдрүүдэд амжилттай зохион байгуулж, 15 Үндэсний сургагч багш бэлтгэлээ.

Эрүүл мэндийн салбарын хүний нөөцийг бэхжүүлэх, эрүүл мэндийн тусламж, үйлчилгээнд учирч байгаа тулгамдсан асуудлыг хамтран шийдвэрлэхэд олон нийтийг татан оролцуулсан бусад улс орны туршлага болон нийслэлийн Баянзүрх дүүрэг, Баянхонгор, Говь-Алтай, Завхан аймагт хэрэгжүүлж буй олон нийтийн эрүүл мэндийн ажилтны сайн туршлагыг улс орон даяар нэвтрүүлж эрүүл мэндийн байгууллагуудад ажиллуулж эхлүүлэхэд энэхүү үйл ажиллагаа чиглэж байгаа юм.