ХӨДӨӨ ОРОН НУТАГТ МАГАДЛАН ИТГЭМЖЛЭЛИЙН ЯВЦЫН ХЯНАЛТ-ШИНЖИЛГЭЭ, ҮНЭЛГЭЭ ХИЙЛЭЭ.

Магадлан итгэмжлэгдсэн эрүүл мэндийн байгууллагын үзүүлж буй тусламж, үйлчилгээний технологи, чанар, гүйцэтгэлд явцын хяналт-шинжилгээ, үнэлгээ хийн, мэргэжил арга зүйн дэмжлэг үзүүлэх зорилгоор Магадлан итгэмжлэлийн ажлын албанаас 10 дугаар сарын 16-23-ны өдрүүдэд Дундговь, Өмнөговь аймагт ажиллаад ирлээ.

ХШҮ-нд дараах эрүүл мэндийн байгууллагууд хамрагдлаа. Үүнд:

1. Дундговь аймгийн “Элбэрэлбуян” хувийн эмнэлэг

2.      Дундговь аймгийн Хулд сумын эрүүл мэндийн төв

3.         Дундговь аймгийн Луус сумын эрүүл мэндийн төв /зөвлөн туслах/

4.         Дундговь аймгийн Сайнцагаан сумын эрүүл мэндийн төв /зөвлөн туслах/

5.         Өмнөговь аймгийн БОЭТ

6.         Өмнөговь аймгийн “Хатанзаят” хувийн эмнэлэг

7.         Өмнөговь аймгийн Цогтцэций сумын эрүүл мэндийн төв

8.         Өмнөговь аймгийн Ханбогд сумын эрүүл мэндийн төв

Байгууллага бүрт нийт ажилтнуудыг оролцуулсан дүнгийн хурал зохион байгуулан, байгууллага бүрийн ололттой талуудыг онцлон, дутагдалтай талуудыг дүгнэн, ярилцлага хийн санал бодлоо солилцож, ойрын хугацаанд болон 2023-2024 онд чанар, магадлан итгэмжлэлийн асуудлаар анхаарч ажиллах, хамтарч ажиллах чиглэлийн талаар тодорхой санал-зөвлөмж дэвшүүлэн, хугацаатай үүрэг даалгавар өгч ажилласнаараа өгөөжтэй, үр дүнтэй арга хэмжээ боллоо.