Дэлхийн ёс зүйн өдрийг тэмдэглэн өнгөрүүлэв.

Дэлхий нийтээр 2014 оноос эхлэн жил бүрийн 10 дугаар сарын гурав дахь долоо хоногт “GLOBAL ETHICS DAY” буюу “ДЭЛХИЙН ЁС ЗҮЙН ӨДӨР”-ийг тэмдэглэдэг болсон.

Энэ жилийн хувьд 10 дугаар сарын 18-нд “Ethics Empowered” буюу “Ёс зүйг хүчирхэгжүүлнэ” уриан дор тэмдэглэн өнгөрүүлж байна. Энэхүү уриан дор тэмдэглэж байгаа нь гагцхүү ур чадварыг бус хандлага, ёс зүйг хүчирхэгжүүлэх, манлайлагч болох санааг илэрхийлж байгаа юм.

ЭМХТ-ийн Ёс зүйн хорооноос албан хаагчдынхаа ёс зүй, харилцаа хандлагыг дээшлүүлэх чиглэлээр зохион байгуулдаг үйл ажиллагаагаа сурталчлан  энэхүү өдрийг тэмдэглэн өнгөрүүллээ.

Ёс зүйн тэмдэглэлт өдрийн хүрээнд Хүний эрхийг хангах Үндэсний хорооны нарийн бичгийн дарга бөгөөд Ажлын албаны дарга Б.Болорсайханыг урьж, “Хүчирхийлэл, түүнээс урьдчилан сэргийлэх олон улсын сайн туршлага” сэдвээр сургалт зохион байгууллаа. Уг сургалтаар хүчирхийллийн хэлбэрүүд, түүнээс урьдчилан сэргийлэх арга хэмжээний талаар эрх зүйн мэдлэг мэдээллийг нийт албан хаагчдад өгөв.

Мөн төвийн Ёс зүйн хорооноос зохион байгуулдаг “Хоцролтгүй хамт олон болцгооё”, “Та үүнийг мэдэх үү” уриан дор хэрэгжүүлдэг ёс зүй харилцаа хандлага, зөөлөн ур чадварыг хөгжүүлэх чиглэлээр хийгдсан ажлуудыг багтаасан “Асуулт хариулт асуулт” тэмцээнийг нийт албан хаагчдын дунд зохион байгуулав.