Гадаадад суралцсан сувилагчид тайлангаа тавьж, санал солилцлоо

Эрүүл мэндийн сайд С.Чинзоригийн санаачлагаар хэрэгжүүлж буй БНХАУ, БНСУ-д нийт 200 сувилагч, эх баригчийг сургах ажлыг ЭМХТ-өөс зохион байгуулж байгаа ба эхний ээлжийн 30 сувилагч 09 дүгээр сард ӨМӨЗО-ны Хох хотын Олон Улсын Монгол эмнэлэг дээр сургалтад хамрагдаж, сургалтаа амжилттай дүүргэн ирсэн.

Эдгээр эмнэлгийн мэргэжилтнүүд 10 дугаар сарын 13-ны өдөр Хятад-Монголын сувилагч нарын мэргэжлийн ур чадварыг дээшлүүлэх сургалтанд хамрагдсан үр дүнгийн тайлангийн хурлыг амжилттай зохион байгуулав.

Тэд сурсан мэдсэнээ өөрсдийн байгууллагадаа нутагшуулъя гэсэн чин хүсэл эрмэлзэл дүүрэн байлаа.