Сувилахуйн чиглэлээр сургалтын үйл ажиллагаанд хамтран ажиллахаар тохиролцлоо

Эрүүл Мэндийн Хөгжлийн Төвийн захирал Б.Нарантуяа, ХНХА-ны дарга Б.Батцоож болон холбогдох албаны хүмүүс Бүгд найрамдах Энэтхэг улсаас Монгол Улсад суугаа Элчин сайдын яамны төлөөлөлтэй уулзалт зохион байгууллаа.

Тус уулзалтад Монгол Улсаас БНЭУ-д суугаа Элчин сайд Д.Ганболд, Энэтхэг улсын "Маренго Ази" эмнэлгийн захирал Раажив Сингхал болон "Глобал кэйр" эрүүл мэндийн төвийн гүйцэтгэх захирал Ражив Танежа нар оролцов.

Энэхүү уулзалтаар манай улсын эмч, эмнэлгийн мэргэжилтнийг чадавхжуулах чиглэлээр урт хугацаанд хамтран ажиллах, сувилагчдад хамтарсан хөтөлбөрийн дагуу сургалт зохион байгуулах талаар тохиролцлоо.