ЭРҮҮЛ МЭНДИЙН ТУСЛАМЖ ҮЙЛЧИЛГЭЭНИЙ АЮУЛГҮЙ БАЙДАЛ, ЧАНАРЫН СУРГАЛТЫГ ЗОХИОН БАЙГУУЛЖ БАЙНА

Тус төвийн Магадлан итгэмжлэлийн албанаас эрүүл мэндийн байгууллагуудад тусламж үйлчилгээний чанар, аюулгүй байдлыг сайжруулах 2025 оны үйл ажиллагааг төлөвлөхөд  нь дэмжлэг үзүүлэх, мэргэжил арга зүйгээр хангах хүрээнд “Эрүүл мэндийн тусламж үйлчилгээний аюулгүй байдал, чанар” сэдэвт сургалтыг 01 дүгээр сарын 10-ны өдөр Цус сэлбэлт судлалын үндэсний төвийн сургалтын танхимд зохион байгуулж байна.

Сургалтаар тусламж үйлчилгээний чанарыг тасралтгүй сайжруулах, үйлчлүүлэгч төвтэй тусламж үйлчилгээний тогтолцоог бүрдүүлэх, аюулгүй байдлыг хангах, эмнэлзүйн эрсдэлийг бууруулах, арилгах чиглэлээр онол болон дадлага хосолсон мэдлэгийг олгох юм.

Сургалтад нийслэлийн төр болон хувийн хэвшлийн эрүүл мэндийн байгууллагын Эрүүл мэндийн тусламж,  үйлчилгээний чанар, аюулгүй байдлын албаны 92 эмнэлгийн мэргэжилтэн хамрагдаж байна.