Мэдээ:
  • Төрөлт: Улсын хэмжээнд 2019 оны эхний 7 сарын байдлаар 44 960 эх төрсөн нь өнгөрсөн оны мөн үеэс 306 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 7 сарын байдлаар улсын хэмжээнд 45 308 хүүхэд амьд төрсөн нь өнгөрсөн оны мөн үеэс 359 хүүхдээр буюу 0.8 хувиар өсчээ. Амьд төрсөн хүүхдийн 23 159 буюу 51.1 хувь нь хүү, 22 149 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 7 сарын байдлаар эхийн эндэгдлийн 10 тохиолдол бүртгэгдэж, 100 000 амьд төрөлтөд 22.1 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.6-оор буурсан байна. Нялхсын эндэгдэл: Улсын хэмжээнд 2019 оны эхний 7 сарын байдлаар нялхсын эндэгдлийн 599 тохиолдол бүртгэгдэж, 1 000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 10 тохиолдлоор буюу 1 000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 7 сарын байдлаар тав хүртэлх насны хүүхдийн эндэгдлийн 720 тохиолдол бүртгэгдэж, 1 000 амьд төрөлтөд 15.9 ногдож байгаа нь өмнөх оны мөн үетэй харьцуулахад 37 тохиолдлоор буюу 1 000 амьд төрөлтөд 0.9-оор буурсан байна. Нас баралт: 2019 оны эхний 7 сарын байдлаар улсын хэмжээнд нас баралтын 9 933 тохиолдол бүртгэгдсэн нь өнгөрсөн оны мөн үеэс 116 тохиолдлоор буурсан байна. Нийт нас баралтын 6 027 тохиолдол буюу 60.7 хувь нь эрэгтэй, 3 906 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 7 сарын байдлаар 26 төрлийн 25 976 халдварт өвчний тохиолдол бүртгэгдэж, 10 000 хүн амд 80.2 ногдож байна. Өмнөх оны мөн үеэс 1050 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.

Мэдээ, мэдээлэл

Эх, хүүхдийн эрүүл мэнд

Төрөлт 2012 оны 1 сарын байдлаар 6015 эх амаржсан нь өнгөрсөн оны мөн үеэс 852 төрөлтөөр буюу 14,2 хувиар нэмэгдсэн байна. Төрөлт Булган, Өмнөговь, Сүхбаатар, Увс аймгуудад буурч бусад аймаг, хотод нэмэгджээ. Нийт төрсөн эхчүүдийн 10.7 хувь малчин, 12.9 хувь оюутан, ажилгүй эхчүүд 48.7 хувийг эзэлж байна. Мөн 4.6 хувь нь бага, 60.1 хувь нь дунд, 34.3 хувь дээд боловсролтой, 1.1 хувь нь боловсролгүй эхчүүд байна. Нийт төрөлтийн 92.7 хувийг эх барих эмэгтэйчүүдийн эмч, 2.6 хувийг их эмч, 4.45 хувийг эх баригч бага эмч, 0.04 хувийг бага эмч, 0.2 хувийг мэргэжлийн бус хүн удирдан төрүүлсэн байна.

Эхийн эндэгдэл 2012 оны 1 дүгээр сард эхийн эндэгдлийн 4 тохиолдол бүртгэгдэж 100.000 амьд төрөлтөд 66,5 байна. Өнгөрсөн оны мөн үед эхийн эндэгдэл бүртгэгдээгүй байна. Тухайн сард Сүхбаатар аймагт 1, Дорнод аймагт 1, Улаанбаатар хотод 2 эх энджээ. Улсын Клиникийн Төв эмнэлэгт эндсэн эх Баян-Өлгий аймгийн харъяат ба жирэмсэн, төрөхөөс үл хамаарах өвчний шалтгаанаар энджээ. Эндсэн эхчүүд 24-34 насны хооронд байгаа ба дунд боловсролтой байжээ. Эхийн эндэгдлийг шалтгаанаар авч үзэхэд жирэмсэн үеийн хүндрэлээр 1, төрөх үеийн хүндрэлээр 1, төрсний дараах үеийн хүндрэлээр 1, жирэмсэн, төрөхөөс үл хамаарах үеийн өвчнөөр 1 эх энджээ. Эдгээр эндсэн 4 эх амьжиргааны баталгаажих түвшинээс доогуур орлоготой эхчүүд байсан байна. Нийгмийн байдлаар авч үзэхэд гэрийн ажилтай- 2, малчин-1, оюутан-1 эх энджээ.

Хүүхдийн эрүүл мэнд Амьд төрсөн 6033 хүүхдийн 51.3 хувь нь эрэгтэй, 48.7 хувь нь эмэгтэй байна. Өнгөрсөн оны мөн үеэс 843 хүүхдээр нэмэгдсэн ба энэ сард Өвөрхангай аймагт 3 ихэр хүүхэд төржээ. Амьд төрсөн хүүхдийн 4.2/253/ хувь нь бага жинтэй буюу 2500 гр-аас доош жинтэй төржээ. Төрөөд 1 цагийн дотор хөхөө амласан хүүхдийн хувь 92.3 байна. Тухайн сард улсын хэмжээнд нийт 131136 хүүхэд жинлэсэн байна. Жинлэсэн хүүхдийн 0.65 хувь нь туранхай, 0.52 хувь нь тураалтай байгаа бөгөөд өсөлтийн хоцрогдолтой хүүхэд 0,9 хувийг эзэлж байна.

Нялхас болон 5 хүртэлх насны хүүхдийн эндэгдэл Улсын хэмжээнд 2012 оны 1 дүгээр сард нялхсын эндэгдэл 105 тохиолдол бүртгэгдсэн нь өнгөрсөн оны мөн үеэс 11 тохиолдол буюу 10,5 хувиар нэмэгдэж, амьд төрсөн 1000 хүүхдэд 17,4 ногдож байна. /2011 оны 1 дүгээр сард 94 тохиолдол буюу 1000 амьд төрөлтөд 18.1 байна/ Нялхасын эндэгдлийн 50.5 хувь нь 0-7 хоногтойдоо, 14.3 хувь нь 7-28 хоногтойд, 35.2 хувь нь 29 ба түүнээс дээш хоногтойд эндсэн байна. Нярайн эндэгдэл 1000 амьд төрсөн хүүхдэд 11.3 байна. Нэг хүртэлх насандаа эндсэн хүүхдийн 57.1 хувь нь эрэгтэй, 42.9 хувь нь эмэгтэй хүүхэд байна.

Дугаар Файлын нэр Татах холбоос
1                   
Эрүүл мэндийн Статистикийн мэдээлэл 2012 оны 1-р сар                                             
Татаж авах

2012 оны 01 сарын 29-ний өдрөөс 02 дугаар сарын 06-ны өдрүүдэд ХБНГУ-ын   Wietmarschen хотод  эмнэлгийн яаралтай тусламжийн автомашины “WAS” үйлдвэр дээр Монгол улсад нийлүүлэгдэж буй нүүдлийн 3  эмнэлгийн сургалт явагдаж  3 их эмч,3 эмнэлгийн тоног төхөөрөмжийн 3 инженер, 3 жолооч бүгд 9 хүн хамрагдсан болно .

ЗГХА–ЭМГ–ын ММСС-тай хамтран ажиллахаар  2011 оны 09-р сарын 17-нд  гарын үсэг зурсан гэрээний  үйл ажиллагааны нэг хэсэг  болох  манай улсын хүн амын өвчлөл, эндэгдлийн тэргүүлэх шалтгаан болсон Зонхилон тохиолдох Халдварт бус өвчин  “Насанд хүрэгсдийн артерийн гипертензи”, “Чихрийн шижин хэв шинж-2”, “Хөхний өмөн”, “Умайн хүзүүний өмөн”-ийн эмнэлзүйн удирдамжуудыг хэрэгжүүлэх орон нутгийн төлөвлөгөө боловсруулахад дэмжлэг үзүүлэх  нэг өдрийн сургалт 2012 оны 1-р сарын 10-ны өдөр Булган аймгаас эхлэж 21 аймаг, 9 дүүрэгт  зохион байгуулагдлаа.

Шалгалтанд 70 ба түүнээс дээш онооо авсан мэргэжилтэн дараах материалыг бүрдүүлэн 16-17-ны хооронд ЗГХА-ЭМГ-ын 1-р байр 103 тоотод авчирч өгнө үү.

  1. Өргөдлийн анкет (батлагдсан загвараар)
  2. Дипломын хуулбар (нотариатороор баталгаажуулсан)
  3. Иргэний үнэмлэхний хуулбар
  4. 3х4 хэмжээтэй 2 хувь зураг
  5. Тэмдэгтийн хураамж төлсөн баримт
  6. Хугацаа дууссан зөвшөөрөл эх хувиар
  7. 2 жилийн хугацаатай зөвшөөрлийг 5 жилээр болгон сунгаж буй эмч нар

нийгмийн даатгалын дэвтрийн хуулбар (нотариатороор

   баталгаажуулсан),

-  ажилласан байгууллагын тодорхойлолт