Мэдээ:
  • Төрөлт: Улсын хэмжээнд 2019 оны эхний 9 сарын байдлаар 58 081 эх төрсөн нь өнгөрсөн оны мөн үеэс 488 төрөлтөөр буюу 0.8 хувиар өссөн байна. Амьд төрсөн хүүхэд: 2019 оны эхний 9 сарын байдлаар улсын хэмжээнд 58 525 хүүхэд амьд төрсөн нь өнгөрсөн оны мөн үеэс 563 хүүхдээр буюу 1.0 хувиар өсчээ. Амьд төрсөн хүүхдийн 29 978 буюу 51.2 хувь нь хүү, 28 547 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.2 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.2-оор буурсан байна. Нялхсын эндэгдэл: Улсын хэмжээнд 2019 оны эхний 9 сарын байдлаар нялхсын эндэгдлийн 771 тохиолдол бүртгэгдэж, 1000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 9 сарын байдлаар тав хүртэлх насны хүүхдийн эндэгдлийн 930 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 62 тохиолдлоор буюу 1000 амьд төрөлтөд 1.2-оор буурсан байна. Нас баралт: 2019 оны эхний 9 сарын байдлаар улсын хэмжээнд нас баралтын 12 723 тохиолдол бүртгэгдсэн нь өнгөрсөн оны мөн үеэс 177 тохиолдлоор буурсан байна. Нийт нас баралтын 7724 тохиолдол буюу 60.7 хувь нь эрэгтэй, 4999 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 9 сарын байдлаар 27 төрлийн 32 275 халдварт өвчний тохиолдол бүртгэгдэж, 10 000 хүн амд 99.7 ногдож байна. Өмнөх оны мөн үеэс 1168 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.

Мэдээ, мэдээлэл

  1. Биологийн идэвхт бүтээгдэхүүний баталгаажуулалтын зөвлөлийн 2012.08.09-ны өдрийн хурлаар Ази фарм ХХК-ний 26 нэрийн 38 цуврал, Ди Эй Экс И Эн” ХХК-ний 3 нэрийн 10 цуврал, Мөнхийн тун ХХК-ний 1 нэрийн 1 цуврал, Интерфарм импорт ХХК-ний 6 нэрийн 6 цуврал, Тяньши ХХК-ний 12 нэрийн 19 цуврал биологийн идэвхт бүтээгдэхүүнд тохирлын гэрчилгээ олгов.

2012 онд олон нийтийн мэдээллийн хэрэгслээр сурталчилахаар Хүний эмийн зөвлөлийн Эм судлалын салбар комиссоос хянаж, баталгаажуулсан эм,      биологийн идэвхт бүтээгдэхүүний нэрс

Эрүүл мэндийн сайдын “Фармакопей боловсруулах, батлах, дугаар өгөх, фармакопейн хорооны бүрэлдэхүүн, ажиллах журам батлах тухай” 2011 оны 411 тоот тушаалд заасны дагуу ЗГХА-ЭМГ-ын Эмийн зохицуулалтын хэлтэс нь Фармакопейн хорооны ажлын албаны үүргийг гүйцэтгэн ажиллаж байна.

“Эмнэлгийн мэргэжилтэнд мэргэшлийн зэрэг олгох тухай”