Мэдээ:
  • Төрөлт: Улсын хэмжээнд 2019 оны эхний 9 сарын байдлаар 58 081 эх төрсөн нь өнгөрсөн оны мөн үеэс 488 төрөлтөөр буюу 0.8 хувиар өссөн байна. Амьд төрсөн хүүхэд: 2019 оны эхний 9 сарын байдлаар улсын хэмжээнд 58 525 хүүхэд амьд төрсөн нь өнгөрсөн оны мөн үеэс 563 хүүхдээр буюу 1.0 хувиар өсчээ. Амьд төрсөн хүүхдийн 29 978 буюу 51.2 хувь нь хүү, 28 547 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 9 сарын байдлаар эхийн эндэгдлийн 13 тохиолдол бүртгэгдэж, 100 000 амьд төрөлтөд 22.2 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.2-оор буурсан байна. Нялхсын эндэгдэл: Улсын хэмжээнд 2019 оны эхний 9 сарын байдлаар нялхсын эндэгдлийн 771 тохиолдол бүртгэгдэж, 1000 амьд төрөлтөд 13.2 ногдож байгаа нь өнгөрсөн оны мөн үетэй харьцуулахад 24 тохиолдлоор буюу 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 9 сарын байдлаар тав хүртэлх насны хүүхдийн эндэгдлийн 930 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 62 тохиолдлоор буюу 1000 амьд төрөлтөд 1.2-оор буурсан байна. Нас баралт: 2019 оны эхний 9 сарын байдлаар улсын хэмжээнд нас баралтын 12 723 тохиолдол бүртгэгдсэн нь өнгөрсөн оны мөн үеэс 177 тохиолдлоор буурсан байна. Нийт нас баралтын 7724 тохиолдол буюу 60.7 хувь нь эрэгтэй, 4999 буюу 39.3 хувь нь эмэгтэй байна. Халдварт өвчин: Улсын хэмжээнд 2019 оны эхний 9 сарын байдлаар 27 төрлийн 32 275 халдварт өвчний тохиолдол бүртгэгдэж, 10 000 хүн амд 99.7 ногдож байна. Өмнөх оны мөн үеэс 1168 тохиолдлоор буюу 10 000 хүн амд ногдох өвчлөл 1.8-оор нэмэгдсэн байна.

Мэдээ, мэдээлэл

Эмнэлгийн мэргэжилтэнд мэргэжлийн зэрэг олгох үйл ажиллагаа  журмын дагуу зохион байгуулагдах тул энэхүү үйл ажиллагааг 2013 онд (шинээр эрх хүсч байгаа) зохион байгуулах хүсэлтэй мэргэжлийн нийгэмлэг, холбоод шалгуурын дагуу материалаа бүрдүүлж  (материал ирүүлэх сүүлийн өдөр 2012 оны 12 дугаар сарын 20-ны өдрийн 16,00 цаг) Эрүүл мэндийн хөгжлийн төвийн Төгсөлтийн дараах сургалтын албанд ирүүлнэ үү.

Энэхүү сургалт нь Эрүүл мэндийн хөгжлийн төвийн Эрүүл мэндийн тогтолцооны судалгааны албанаас  явуулсан сургалтын хэрэгцээ тодорхойлох судалгааны үр дүнд үндэслэгдсэн бөгөөд эмнэлгийн тоног төхөөрөмжийн инженер, техникийн ажилчдад  тухайн тоног төхөөрөмжүүдийг хэвийн үйл ажиллагаагаар хангах, ашиглалтын түвшинг дээшлүүлэх мэдлэг, ур чадварыг дээшлүүлэхэд чиглэгдсэн сургалт юм.

Эрүүл мэндийн хөгжлийн төвийн Телемедициний алба нь алслагдсан хүн амд үзүүлэх төрөлжсөн нарийн мэргэжлийн тусламж, үйлчилгээний чанар, үр өгөөжийг дээшлүүлэх зорилгоор 2012 онд доорх чиглэлүүдээр зайн сургалтыг зохион байгууллаа.

Мэргэшүүлэх болон давтан сургалт эрхлэж буй байгууллагуудад Эрүүл мэндийн сайд, Боловсрол, соёл, шинжлэх ухааны сайдын хамтарсан 2011 оны 408/500 дугаар тушаалын дагуу эмнэлгийн мэргэжилтний төрөлжсөн болон үндсэн мэргэжил эзэмшүүлэх, мэргэжил дээшлүүлэх сургалтын явцад эмнэлгийн мэргэжилтний хөгжлийн зөвлөлийн ажлын албанаас Эрүүл Мэндийн Хөгжлийн төвийн захирлын баталсан удирдамжийн дагуу үнэлгээ хийж байна.