Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.

Мэдээ, мэдээлэл

Эрүүл мэндийн ажилтны өдрийг тохиолдуулан Эрүүл мэндийн сайд А.Цогцэцэг болон яамны удирдлагууд салбарынхаа эмч, мэргэжилтнүүдтэй санал солилцох уулзалтыг Тусгаар тогтнолын ордонд зохион байгууллаа. Энэхүү уулзалтад эрүүл мэндийн салбараас нийт 700 гаруй эмч, сувилагч, эмнэлгийн ажилтнууд оролцож, эрүүл мэндийн зарим үйлчилгээг даатгалаас санхүүжүүлэх, цахим эрүүл мэндийн тогтолцоог бүрэн нэвтрүүлэх, эмч мэргэжилтнүүдийн цалинг нэмэгдүүлэх талаар судалгаа хийх талаар харилцан санал, бодлоо солилцсон юм. 

Ажлын байрны нэр: Мэдээллийн технологи, эмнэлгийн тоног төхөөрөмжийн албанд - Эмнэлгийн тоног төхөөрөмжийн шалгалт тохируулга, хариуцсан мэргэжилтэн -1 

“В” ТАВИГДАХ ШААРДЛАГА 

Ажлын байранд тавигдах шаардлагыг хангаж, ажилд орохыг хүссэн иргэн доорхи материалыг бүрдүүлэн ЭМХТ-ийн 203 тоотод 2016.08.26-ны өдөрт багтаан материалаа ирүүлнэ  үү. Утас 7012 8805

Бүрдүүлэх материал :

  • ТАХ-ийн анкет
  • Боловсролын диплом, мэргэжлийн үнэмлэх- эх болон хуулбар хувь
  • Иргэний үнэмлэх эх болон хуулбар хувь
  • Нийгмийн даатгалын дэвтэр
  • Ажиллаж байсан албан газрын ажил байдлын тодорхойлолт
  • Ажилд орохыг хүссэн өргөдөл
  • Гадаад хэлний мэдлэгийн түвшин тогтоосон гадаад хэлний төвийн тодорхойлолт

Эрүүл мэндийн сайд А.Цогцэцэг ЭМЯ-ны харьяа 16 төв, нийслэлийн дүүргүүдийн эрүүл мэндийн нэгдлийн удирдлагуудтайгаа  уулзаж цаг үеийн асуудлаар харилцан ярилцлаа. Эрүүл мэндийн сайд эмнэлгийн тусламж үйлчилгээний төвлөрлийг сааруулах, байгууллага бүр эдийн засгийн онцгой байдлын үеийн төлөвлөгөө, тооцоог боловсруулан танилцуулах, эрүүл мэндийн ажилтнуудын чадавхийг сайжруулах, эмнэлгүүд туслах сувилагч ажиллуулах, дүрс оношилгооны тасгийг өвчтөний тав тухыг хангасан байдлаар тохижуулахыг үүрэг болголоо.

    Мөн ойрын өдрүүдэд агаарын температур тогтвортой нэмэгдэж байгаатай холбоотой эмнэлгүүдийн яаралтай тусламж, хүүхдийн тасаг, лаборатори, эмийн аюулгүй байдал, хадгалалтад онцгой анхаарч, 60 ширхэг эйр кондишнийг хуваарилсан талаар мэдээлж, ирэх  7 хоногоос  эрүүл мэндийн төвүүдээр очиж ажиллахаа мэдэгдсэн байна.

Монгол улсад Нийгмийн эрүүл мэндийн ажилтан, менежер, удирдах ажилтанг сургах, мэргэжил дээшлүүлэх, мэргэшүүлэх чиглэлээр хамтран ажиллах тал дээр санал солилцох гурван талт уулзалт боллоо. Энэхүү уулзалтад  Эрүүл мэндийн хөгжлийн төв, Сингапур улсын Nanyang олон улсын Политехникийн сургууль, Нийгмийн эрүүл мэндийн хүрээлэнгээс төлөөлөл оролцлоо. Уулзалтын хүрээнд Нийгмийн эрүүл мэндийн ажилтан, менежер, удирдах ажилтанг сургах, мэргэжил дээшлүүлэх, мэргэшүүлэх чиглэлээр 2017 оноос эхлэн хамтран ажиллахаар болж энэ оны 9 сард хамтран ажиллах Санамж бичигт гарын үсэг зурахаар тохиролцлоо.