Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
ЭМСЯ-НЫ ШУУРХАЙ УДИРДЛАГЫН ТӨВИЙН МЭДЭЭ /2016.03.14/

МОНГОЛ УЛСАД:

Газар хөдлөлт:

Увс аймгийн Бөхмөрөн сумын төвөөс зүүн хойд зүгт 47 км-т “Булгийн-Эх” гэдэг газарт 3 дугаар сарын 12-ны өдрийн 08:30 цагт 3.7 магнитудын хүчтэй газар хөдлөлт болж, учирсан хохирол байхгүй байна.

Эх сурвалж: ОБЕГ

Улаанбурхан өвчний орны мэдээ:

3 дугаар сарын 12-13-нд ХӨСҮТ-ийн амбулаториор нийт 594 хүн хандсаны 552 (93%) нь улаанбурхан өвчний сэжигтэй оношоор хандаж, 100 хүн хэвтсэн байна.  Одоо ХӨСҮТ-ийн  хурц халдварт өвчний 452 орны 398-д улаанбурхан өвчтэй, 54 нь бусад халдварт өвчний оноштой хүн хэвтэн эмчлэгдэж байна. Үүнээс эрчимт эмчилгээний тасагт 0-1 настай 17 хүүхэд эмчлэгдэж хүүхдүүд байна.Улаанбурхан өвчний сүүлийн 7 хоногийн мэдээг хавсаргав.

 Эх сурвалж: ХӨСҮТ

 

 

 

 

 

 

 

 

 

 

 

 

 

 

 

 

 

 

ДЭЛХИЙ ДАХИНД:

Зика вирүст халдвар:

    Венесуэл улсад 2015 оны 41 дэх 7 хоногоос 2016 оны 6 дах 7 хоногийн байдлаар нийт 16942 сэжигтэй тохиолдол бүртгэгдээд байна. Нийт 801 сорьц хүлээн авч шинжилсэний 352 (44%) нь эерэг дүнтэй тодорхойлогдсон байна.    Тархвар судлалын 1-6 дах 7 хоногийн байдлаар жирэмсэн эхчүүдээс 226 сорьц цуглуулан шинжлэхэд 153 (67.7%)-д эерэг дүнтэй тодорхойлогджээ.

 Эх сурвалж: ДЭМБ