Мэдээ:
  • Төрөлт: Улсын хэмжээнд 2019 оны жилийн эцсийн байдлаар 77 601 эх төрсөн нь өнгөрсөн оны мөн үеэс 543 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны жилийн эцсийн байдлаар улсын хэмжээнд 78 223 хүүхэд амьд төрсөн нь өнгөрсөн оны мөн үеэс 695 хүүхдээр буюу 0.9 хувиар өсчээ. Төрөлтийн түвшин 1000 хүн амд 24.8 байна. Эхийн эндэгдэл: Улсын хэмжээнд 2019 оны жилийн эцсийн байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 23.0 байна. Өнгөрсөн оны мөн үеэс 3 төрөлтөөр буюу 100 000 амьд төрөлтөд 4.1-оор буурсан байна. Нялхсын эндэгдэл: Улсын хэмжээнд 2019 оны жилийн эцсийн байдлаар нялхсын эндэгдлийн 1040 тохиолдол бүртгэгдэж, 1000 амьд төрөлтөд 13.3 ногдож байна. Өнгөрсөн оны мөн үетэй харьцуулахад 3 тохиолдлоор нэмэгдсэн хэдий ч 1000 амьд төрөлтөд 0.1-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны жилийн эцсийн байдлаар тав хүртэлх насны хүүхдийн эндэгдлийн 1262 тохиолдол бүртгэгдэж, 1000 амьд төрөлтөд 16.1 ногдож байгаа нь өмнөх оны мөн үетэй харьцуулахад 48 тохиолдлоор буюу 1000 амьд төрөлтөд 0.8-оор буурсан байна. Нас баралт: 2019 оны жилийн эцсийн байдлаар улсын хэмжээнд нас баралтын 17 123 тохиолдол бүртгэгдсэн нь өнгөрсөн оны мөн үеэс 208 тохиолдлоор буурсан байна. Нийт нас баралтын 10 471 тохиолдол буюу 61.2 хувь нь эрэгтэй, 6652 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны жилийн эцсийн байдлаар 28 төрлийн 45 232 халдварт өвчний тохиолдол бүртгэгдэж, 10 000 хүн амд 139.7 ногдож байна. Өмнөх оны мөн үеэс 3158 тохиолдлоор буюу 10 000 хүн амд ногдох өвчлөл 7.3-оор нэмэгдсэн байна.
“Эрүүл мэндийн салбарын инженер, техникийн ажилтнуудын чадавхийг бэхжүүлэх-1” сургалт амжилттай зох

“Эрүүл мэндийн салбарын инженер, техникийн ажилтнуудын чадавхийг бэхжүүлэх-1” сургалт амжилттай зохион байгуулагдлаа Эрүүл мэндийн салбарын хөгжил хөтөлбөр-5 төслийн хүрээнд “Эмнэлгийн техникийн ажилтнуудын чадавхийг бэхжүүлэх-1” сэдэвт сургалтыг Эрүүл мэнд, спортын яаман дээр амжилттай зохион байгуулагдлаа. Сургалтад ЭМСЯам, Канадын олон улсын Эрүүл мэндийн нийгэмлэгийн олон улсын зөвлөх Билл Жентл, Андерс Энгстрём, ЭСХХ-5 төслийн баг хамтран 2015 оны 11 дүгээр сарын 3-5-ны хооронд ЭМХТ, төв болон тусгай мэргэжлийн төв, НЭМГ, 2015 оны 11 дүгээр сарын 9-11-ны хооронд 21 аймгийн БОЭТ, Нэгдсэн эмнэлэгийн нийт 60 гаруй мэргэжилтэнүүд оролцлоо.

Сургалтын хүрээнд эмнэлгийн техник, тоног төхөөрөмж, сэлбэг материал, засвар үйлчилгээний талаарх мэдээллийн сан, “Taskmaster CMMS” цахим бүртгэлийн программ, эмнэлгийн тоног төхөөрөмжийн урьдчилан сэргийлэх засвар үйлчилгээний ерөнхий зарчим, цахилгааны аюулгүй байдал, засвар үйлчилгээний менежментийг сайжруулах гэх мэтчилэн сэдвээр эмнэлгийн тоног төхөөрөмжийн инежер, техникийн ажилтнуудын мэдлэг, ур чадварыг дээшлүүлэх, цаашид авах арга хэмжээний талаар санал солилцон, дадлага ажил хийж сургалтанд оролцсон нийт хүмүүсд гэрчилгээ гардууллаа.