Мэдээ:
  • Төрөлт: Улсын хэмжээнд 2019 оны эхний 11 сарын байдлаар 71 046 эх төрсөн нь өнгөрсөн оны мөн үеэс 527 төрөлтөөр буюу 0.7 хувиар өссөн байна. Амьд төрсөн хүүхэд: 2019 оны эхний 11 сарын байдлаар улсын хэмжээнд 71 622 хүүхэд амьд төрсөн нь өнгөрсөн оны мөн үеэс 662 хүүхдээр буюу 0.9 хувиар өсчээ. Төрөлтийн түвшин 1000 хүн амд 22.7 байна. Амьд төрсөн хүүхдийн 36 743 буюу 51.3 хувь нь хүү, 34 879 буюу 48.7 хувь нь охин байна. Эхийн эндэгдэл: Улсын хэмжээнд 2019 оны эхний 11 сарын байдлаар эхийн эндэгдлийн 18 тохиолдол бүртгэгдэж, 100 000 амьд төрөлтөд 25.1 байгаа нь өнгөрсөн оны мөн үетэй ижил хэдий ч 100 000 амьд төрөлтөд 0.3-оор буурсан байна. Нялхсын эндэгдэл: Улсын хэмжээнд 2019 оны эхний 11 сарын байдлаар нялхсын эндэгдлийн 941 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 1 тохиолдлоор буюу 1000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 11 сарын байдлаар тав хүртэлх насны хүүхдийн эндэгдлийн 1136 тохиолдол бүртгэгдэж, 1000 амьд төрөлтөд 15.9 ногдож байгаа нь өмнөх оны мөн үетэй харьцуулахад 53 тохиолдлоор буюу 1000 амьд төрөлтөд 0.9-оор буурсан байна. Нас баралт: 2019 оны эхний 11 сарын байдлаар улсын хэмжээнд нас баралтын 15531 тохиолдол бүртгэгдсэн нь өнгөрсөн оны мөн үеэс 191 тохиолдлоор буурсан байна. Нийт нас баралтын 9499 тохиолдол буюу 61.2 хувь нь эрэгтэй, 6032 буюу 38.8 хувь нь эмэгтэй байна. Халдварт өвчин: Улсын хэмжээнд 2019 оны эхний 11 сарын байдлаар 28 төрлийн 39 553 халдварт өвчний тохиолдол бүртгэгдэж, 10 000 хүн амд 122.1 ногдож байна. Өмнөх оны мөн үеэс 2045 тохиолдлоор буюу 10 000 хүн амд ногдох өвчлөл 4.1-оор нэмэгдсэн байна.
“ТЭМБҮҮГ УСТГАЯ” ҮЙЛ АЖИЛЛАГААНД ДЭМЖЛЭГТ ХЯНАЛТ ХИЙЛЭЭ

Дархан-Уул аймгийн Засаг даргын тамгын газар, Эрүүл мэндийн газар, Нэгдсэн эмнэлэг, Дархан-Уул аймгийн Хонгор сум, Хонгор сумын салхит өртөө, Орхон сум, “МЭДСТОБ”, “ГОС ХОТ” өрхийн эрүүл мэндийн төвүүд, “Нүүдэлчин” хувийн хэвшлийн эмнэлгүүдэд халдварт болон халдварт бус өвчин, түүний дотор тэмбүү өвчнийг эрт илрүүлэх үзлэг шинжилгээний зохион байгуулалт, санхүүжилт, хүний нөөц, эм урвалж оношлуурын ханган нийлүүлэлт лабораторийн оношилгоо, эмчилгээ, хавьтал судлал, эрүүл мэндийн мэдээлэл, сургалт сурталчилгаа зэрэг үйл ажиллагааны нэгдсэн зохицуулалтын зохион байгуулалт зэрэг чиглэлээр Эрүүл мэндийн хөгжлийн төвийн ерөнхий захирал Б.Нарантуяа, ЭМХТ-ийн Магадлан итгэмжлэл, лицензийн албаны ахлах мэргэжилтэн Д.Бямбасүрэн, ХӨСҮТ-ийн ДОХ/БЗДХ-ийн Тандалт судалгааны албаны  их эмч Б.Пүрэвдагва нарын бүрэлдэхүүнтэй  баг Эрүүл мэндийн сайдын баталсан удирдамжийн дагуу дэмжлэгт хяналт хийж ажиллаа.

Энэ үеэр ЭМХТ-ийн захирал Б.Нарантуяа байгууллагынхаа зүгээс Дархан-Уул аймгийн ЭМГ-т 300 тэмбүүгийн  түргэвчилсэн оношлуур, ХӨСҮТ-ийн ДОХ/БЗДХ/ТСА-аас 300 ширхэг бензатин пенициллиныг гардуулан өглөө.

Дархан-Уул аймгийн 3 сум Тэмбүүгүй сум болоод байна.