Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.
ТӨГСӨЛТИЙН ДАРААХ ЕРӨНХИЙ МЭРГЭШИЛ СУДЛАЛ ҮНДСЭН МЭРГЭШЛИЙН СУРГАЛТЫН ТУРШЛАГА СУДЛАХ СУРГАЛТ БОЛ

Эмнэлгийн мэргэжилтний төгсөлтийн дараах “Ерөнхий мэргэшил судлал” үндсэн мэргэшлийн сургалтын үйл явцтай танилцах, туршлага судлах сургалт Орхон аймгийн Бүсийн оношилгоо эмчилгэээний төвд өнөөдөр болж байна.

Сургалтад Эрүүл мэндийн хөгжлийн төв, Японы хамтын ажиллагааны ЖАЙКА олон улсын байгууллагын төслийн баг, Орхон амйгийн Эрүүл мэндийн газрын дарга Ц.Мөнхцэцэг, Бүсийн оношилгоо эмчилгээни төвийн дарга Б.Батсүх, эмнэл зүйн сургагч багш нар,  “Ерөнхий мэргэшил судлал” үндсэн мэргэшлийн сургалтын эрх авахаар зорьж буй Дорнод, Өмнөговь, Өвөрхангай, Ховд аймгийн Бүсийн оношилгоо эмчилгээний төв, Нийслэлийн Баянгол дүүргийн Эрүүл мэндийн төв, Баянзүрх нэгдсэн эмнэлгийн төлөөллүүд оролцож байна.

Энэ сургалтыг үеэр  “Ерөнхий мэргэшил судлал” үндсэн мэргэшлийн сургалтын эрх авахаар зорьж буй эрүүл мэндийн байгууллагууд Орхон аймгийн Бүсийн оношилгоо эмчилгээни төвийн сургалтын орчин, сургалтын үйл явцтай танилцан, туршлага судлах юм.