Мэдээ:
  • Төрөлт: Улсын хэмжээнд 2019 оны эхний 5 сарын байдлаар 31 748 эх төрсөн нь өнгөрсөн оны мөн үеэс 174 төрөлтөөр буюу 0.6 хувиар өссөн байна. Амьд төрсөн хүүхэд: 2019 оны эхний 5 сарын байдлаар улсын хэмжээнд 31 974 хүүхэд амьд төрсөн нь өнгөрсөн оны мөн үеэс 188 хүүхдээр буюу 0.6 хувиар өсчээ. Амьд төрсөн хүүхдийн 16 315 буюу 51.0 хувь нь хүү, 15 659 буюу 49.0 хувь нь охин байна. Эхийн эндэгдэл: Улсын хэмжээнд 2019 оны эхний 5 сарын байдлаар эхийн эндэгдлийн 7 тохиолдол бүртгэгдэж, 100 000 амьд төрөлтөд 21.9 байгаа нь өнгөрсөн оны мөн үеэс 4 тохиолдлоор буюу 100 000 амьд төрөлтөд 12.7-оор буурсан байна. Нялхсын эндэгдэл: Улсын хэмжээнд 2019 оны эхний 5 сарын байдлаар нялхсын эндэгдлийн 443 тохиолдол бүртгэгдэж, 1 000 амьд төрөлтөд 13.9 ногдож байгаа нь өнгөрсөн оны мөн үетэй харьцуулахад 4 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 5 сарын байдлаар тав хүртэлх насны хүүхдийн эндэгдлийн 527 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 14 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 5 сарын байдлаар улсын хэмжээнд нас баралтын 7 243 тохиолдол бүртгэгдсэн нь өнгөрсөн оны мөн үеэс 94 тохиолдлоор өссөн байна. Нийт нас баралтын 4 356 тохиолдол буюу 60.1 хувь нь эрэгтэй, 2 887 буюу 39.9 хувь нь эмэгтэй байна. Халдварт өвчин: Улсын хэмжээнд 2019 оны эхний 5 сарын байдлаар 26 төрлийн 18 863 халдварт өвчний тохиолдол бүртгэгдэж, 10 000 хүн амд 58.2 ногдож байна. Өмнөх оны мөн үеэс 1 334 тохиолдлоор буюу 10 000 хүн амд ногдох өвчлөл 3.0-оор нэмэгдсэн байна.
Төгсөгчдөөс авах Төгсөгчдөөс авах мэргэжлийн үйл ажиллагаа эрхлэх зөвшөөрлийн шалгалтын тов гарлаа

АНАГААХ УХААНЫ БОЛОВСРОЛ ОЛГОХ ИХ, ДЭЭД СУРГУУЛЬ ТӨГСӨГЧДӨӨС АВАХ МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙН ШАЛГАЛТ ЗОХИОН БАЙГУУЛАГДАХ ТОВ ГАРЛАА

Эрүүл мэндийн сайдын 2015 оны А/98 дугаар тушаалын хүрээнд 2019 онд ангаах ухааны боловсрол олгох их дээд сургууль төгсөгчдөөс авах мэргэжлийн үйл ажиллагаа элхлэх зөвшөөрлийн шалгалтыг 2019 оны 06 дугаар сарын 19, 20-ны өдрүүдэд орон даяар нэгэн зэрэг зохион байгуулахаар боллоо.

Мэргэжлийн үйл ажиллагаа эрхлэх зөвшөөрлийн шалгалтад төгсөгчдөө хамруулах, шалгалтын зохион байгуулалттай холбоотой санал солилцохоор ЭМХТ-ийн Ерөнхий захирал Д.Ганцэцэг их, дээд сургуулийн захирал, сургалтын албаны дарга нарыг хүлээн авч уулзлаа. Уулзалтаар шалгалтын зохион байгуулалт, төгсөгчдийн шалгалтандаа хэрхэн бэлтгэх аргачилал, сорил зэргийг авч хэлэлцлээ. Уулзалтад 13 анагаах ухааны боловсрол олгох их, дээд сургуулийн захирал, сургалтын албаны дарга нар оролцсон байна.