Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.
ЭМИЙН БҮРТГЭЛИЙН ДҮРЭМ /шинэчилсэн төслийн хэлэлцүүлэг/

ЭМСС-ын 2015 оны 13-р тушаалаар батлагдсан “Эм, эмийн түүхий эд, биологийн идэвхит бүтээгдэхүүний бүртгэлийн журам”-аар Монгол Улсын эмийн бүртгэлд хүн ам, эмнэлгийн тусламж, үйлчилгээнд хэрэглэх эмчилгээний өндөр идэвхтэй, аюулгүй, чанарын баталгаатай эм түүний дотор уламжлалт эм, биобэлдмэл, оношлуур, эмийн түүхий эдийг бүртгэх, бүртгэлийн хугацааг сунгах, бүртгэлд өөрчлөлт оруулах, бүртгэлээс хасах асуудлыг зохицуулж байна
Манай улс Эмийн бүртгэлийн журмыг 1994, 2002, 2007, 2012, 2015 онуудад баталж байсан.
ЭЭТТА –наас 2019 оны 3 сарын 21-ны өдөр Эрүүл мэндийн яаман дээр, 2019 оны 03 сарын 25-ны өдөр ЭМХТ-дээр ЭМЯ-ны ЭМҮТГ-тай хамтран “Эмийн бүртгэлийн дүрэм” -ийн төслийн төгсгөлийн хэлэлцүүлэгт үндэсний эм үйлдвэрлэгч, эм хангамжийн төлөөлөл, Эм холбооны удирдах зөвлөлийн гишүүнд оролцсон хэлэлцүүлгийг зохион байгууллаа.
Эмийн бүртгэлийн дүрэм” -ийн төсөлд олон улсын жишигт ойртуулахаар нэмсэн заалтуудын талаар танилцууллаа. Эмийн бүртгэлийн эрх зүйн орчин олон улсын жишиг руу ойртуулсан төсөл болсон талаар хэлэлцүүлэгт оролцогчид дүгнэлээ.