Мэдээ:
  • Төрөлт: Улсын хэмжээнд 2019 оны эхний 8 сарын байдлаар 51 540 эх төрсөн нь өнгөрсөн оны мөн үеэс 180 төрөлтөөр буюу 0.4 хувиар өссөн байна. Амьд төрсөн хүүхэд: 2019 оны эхний 8 сарын байдлаар улсын хэмжээнд 51 928 хүүхэд амьд төрсөн нь өнгөрсөн оны мөн үеэс 250 хүүхдээр буюу 0.5 хувиар өсчээ. Амьд төрсөн хүүхдийн 26 565 буюу 51.2 хувь нь хүү, 25 363 буюу 48.8 хувь нь охин байна. Эхийн эндэгдэл: Улсын хэмжээнд 2019 оны эхний 8 сарын байдлаар эхийн эндэгдлийн 11 тохиолдол бүртгэгдэж, 100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдлоор буюу 100 000 амьд төрөлтөд 4.0-оор буурсан байна. Нялхсын эндэгдэл: Улсын хэмжээнд 2019 оны эхний 8 сарын байдлаар нялхсын эндэгдлийн 681 тохиолдол бүртгэгдэж, 1000 амьд төрөлтөд 13.1 ногдож байгаа нь өнгөрсөн оны мөн үетэй харьцуулахад 11 тохиолдлоор буюу 1000 амьд төрөлтөд 0.3-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 8 сарын байдлаар тав хүртэлх насны хүүхдийн эндэгдлийн 820 тохиолдол бүртгэгдэж, 1000 амьд төрөлтөд 15.8 ногдож байгаа нь өмнөх оны мөн үетэй харьцуулахад 50 тохиолдлоор буюу 1000 амьд төрөлтөд 1.0-оор буурсан байна. Нас баралт: 2019 оны эхний 8 сарын байдлаар улсын хэмжээнд нас баралтын 11 358 тохиолдол бүртгэгдсэн нь өнгөрсөн оны мөн үеэс 82 тохиолдлоор буурсан байна. Нийт нас баралтын 6876 тохиолдол буюу 60.5 хувь нь эрэгтэй, 4482 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 8 сарын байдлаар 26 төрлийн 29 171 халдварт өвчний тохиолдол бүртгэгдэж, 10 000 хүн амд 90.1 ногдож байна. Өмнөх оны мөн үеэс 930 тохиолдлоор буюу 10 000 хүн амд ногдох өвчлөл 1.2-оор нэмэгдсэн байна.
Хүүхдийн цусны эмгэг, хавдрын эмнэлэг ашиглалтанд орлоо

 ЭХЭМҮТ-ийн дэргэдэх Хүүхдийн цусны эмгэг, хавдрын эмнэлгийн барилгыг “Энэрэл нигүүлсэл оюун билгийн төв” ТББ-ын тэргүүн Ажиа гэгээн Лувсантүвданий шууд санаачилга, хандив тусламж Монгол улсын их хурал, Засгийн газар, Эрүүл мэндийн яамны дэмжлэг, сайн санаат хүмүүсийн хандив тусламжаар байгуулж, өнөөдөр нээлтээ хийлээ. Нээлтийн үйл ажиллагаанд Улсын их хурлын дарга З.Энхболд , Улсын их хурлын дэд дарга М.Энхболд , Эрүүл мэндийн сайд Н.Удвал, Бурхан шашны тэргүүн , хамба лам Чойжамц, Ажиа Ринбүүчий, ЭХЭМҮТ-ийн захирал Ш.Энхтөр болон холбогдох албаны хүмүүс оролцлоо.

Эрүүл мэндийн сайд Н.Удвал нээлтийн үйл ажиллагаанд үг хэлэхдээ, Монголын эрүүл мэндийн салбарт тэр дундаа хүүхдийн анагаах ухааны хөгжилд цоо шинэ түүхийг Ажиа гэгээн та монголын ард түмэнтэй хамт бичилцлээ хэмээгээд, цаашдын ажил үйлсэд нь амжилт хүслээ.

alt

 

Энэхүү барилга нь 4.1 тэрбум төгрөгийн өртөгтэй бөгөөд 4600 м2 талбайтай, 7 давхар, хамгийн сүүлийн үеийн дүрслэл, оношилгооны тоног төхөөрөмж суурилуулсан, хүчилтөрөгч, агааржуулалтын нэгдсэн системтэй лабораторын эмнэлэг юм. Тус эмнэлэг нь нярайн эрчимт эмчилгээний 25 ортой тасаг, цусны эмгэг, хавдар судлалын 50 ортой тасаг, нярайн болон хавдрын мэс заслын хэсэг, оношилгоо, эмчилгээний хэсэг, хөнгөвчлөх эмчилгээний хэсэг, эмчилгээний дараах амрах өрөө, сургалтын өрөөнөөс бүрджээ. Энэхүү эмнэлэгт жилд дунджаар зүрхний төрөлхийн хөгжлийн гажгийн оношилгоог 50-100 хүүхдэд, битүүрээгүй артерын цоргыг засах-50, тосгуур хоорондын цоорхой эмчлэх-50, баллон ажилбар -20 хүүхдэд тус тус хийхээр төлөвлөөд байна. Уг төслийн хүрээнд эмнэлгийн дэргэд эмч нарын сургалтын танхим, хурлын заал, сэтгэл заслын танхим бүхий 3 давхар барилгыг мөн барьж, ашиглалтанд оруулжээ.

Ажиа Ринбүүчий нь 1950 онд Төвдөд төрсөн, хоёрдугаар Бурхан хэмээн алдаршсан Богд Зонховын эцгийн 8 дахь дүрээр тодорсон бөгөөд 2011 онд “Энэрэл нигүүлсэл оюун билгийн төв” ТББ-ыг Монгол улсад байгуулж, хүмүүнлэг, боловсрол, шашин, соёлыг дэмжих чиглэлээр олон ажлыг зохион байгуулж иржээ. Ажиа гэгээн энэхүү эмнэлгийг цаашид зөв менежментээр улам хөгжүүлэн авч явахыг захилаа.

alt

alt

alt

alt

alt

www.moh.mn