Мэдээ:
  • Төрөлт: Улсын хэмжээнд 2019 оны эхний 6 сарын байдлаар 38 084 эх төрсөн нь өнгөрсөн оны мөн үеэс 29 төрөлтөөр буюу 0.1 хувиар өссөн байна. Амьд төрсөн хүүхэд: 2019 оны эхний 6 сарын байдлаар улсын хэмжээнд 38 361 хүүхэд амьд төрсөн нь өнгөрсөн оны мөн үеэс 50 хүүхдээр буюу 0.1 хувиар өсчээ. Амьд төрсөн хүүхдийн 19 596 буюу 51.1 хувь нь хүү, 18 765 буюу 48.9 хувь нь охин байна. Эхийн эндэгдэл: Улсын хэмжээнд 2019 оны эхний 6 сарын байдлаар эхийн эндэгдлийн 9 тохиолдол бүртгэгдэж, 100 000 амьд төрөлтөд 23.5 байгаа нь өнгөрсөн оны мөн үеэс 3 тохиолдлоор буюу 100 000 амьд төрөлтөд 7.8-оор буурсан байна. Нялхсын эндэгдэл: Улсын хэмжээнд 2019 оны эхний 6 сарын байдлаар нялхсын эндэгдлийн 521 тохиолдол бүртгэгдэж, 1 000 амьд төрөлтөд 13.6 ногдож байгаа нь өнгөрсөн оны мөн үетэй харьцуулахад 9 тохиолдлоор буюу 1 000 амьд төрөлтөд 0.2-оор буурсан үзүүлэлттэй байна. Тав хүртэлх насны хүүхдийн эндэгдэл: Улсын хэмжээнд 2019 оны эхний 6 сарын байдлаар тав хүртэлх насны хүүхдийн эндэгдлийн 632 тохиолдол бүртгэгдэж, 1 000 амьд төрөлтөд 16.5 ногдож байгаа нь өмнөх оны мөн үетэй харьцуулахад 18 тохиолдлоор буюу 1 000 амьд төрөлтөд 0.5-оор буурсан байна. Нас баралт: 2019 оны эхний 6 сарын байдлаар улсын хэмжээнд нас баралтын 8 523 тохиолдол бүртгэгдсэн нь өнгөрсөн оны мөн үеэс 7 тохиолдлоор өссөн байна. Нийт нас баралтын 5 153 тохиолдол буюу 60.5 хувь нь эрэгтэй, 3 370 буюу 39.5 хувь нь эмэгтэй байна. Халдварт өвчин: Улсын хэмжээнд 2019 оны эхний 6 сарын байдлаар 26 төрлийн 22 783 халдварт өвчний тохиолдол бүртгэгдэж, 10 000 хүн амд 70.4 ногдож байна. Өмнөх оны мөн үеэс 958 тохиолдлоор буюу 10 000 хүн амд ногдох өвчлөл 1.7-оор нэмэгдсэн байна.
ЗАРЛАЛ

Азийн хөгжлийн банкны санхүүжилттэй  хэрэгжиж буй Эрүүл мэндийн салбар хөгжил хөтөлбөр-4 (ЭМСХХ-4) төслийн хүрээнд  Сонгинохайрхан дүүргийн 21 хороо, одоогийн  СХД –ийн Хүүхдийн нэгдсэн эмнэлгийн хашаанд 150-200 ортой төрөлжсөн мэргэжлийн жишиг нэгдсэн эмнэлгийг 2018-2019 онд барьж,  ашиглалтанд оруулахаар төлөвлөн ажиллаж байна.

Жишиг нэгдсэн эмнэлгийн  хүний нөөцийг бэлтгэх, мэргэшсэн боловсон хүчнээр хангах зорилгоор  дараах  чиглэлийн   үндсэн мэргэшлийн  сургалтаар эмч нарыг тэтгэлэгтэй  сургалтанд  хамруулж, бэлтгэнэ. Үүнд:

1          Мэдээгүйжүүлэг судлал /Анестезиологи/

2          Сэхээн амьдруулах эрчимт эмчилгээ судлал

3          Дүрс оношилгоо судлал

4          Эх барих, эмэгтэйчүүд

5          Нүүр амны мэс засал судлал

6          Нүүр амны согог засал судлал

7          Мэс засал судлал

8          Гэмтэл, согог засал судлал

9          Сэтгэц өвчин судлал

10        Анатомын эмгэг судлал

11        Эмнэл зүйн эмгэг судлал

12        Мэдрэл судлал

13        Нүд судлал 

14        Арьс судлал 

15        Чих, хамар, хоолой судлал

16       Хүүхэд  судлал

17       Дотор судлал

 

Тэтгэлэгт  сургалтанд  хамрагдах   элсэгчдэд  тавигдах шаардлага:

  • Улаанбаатар хотын оршин суугч байх
  • Эмч, эмнэлгийн мэргэжилтний төгсөлтийн дараах  үндсэн  мэргэшлийн шалгалтанд  бүртгүүлж,  тэнцсэн байх
  • Аймаг, нийслэлийн  Эрүүл мэндийн газар болон тухайн ажиллаж буй байгуулага,  төрийн сангийн зардлаар суралцах гэрээ байгуулаагүй байх,
  • Шинээр байгуулагдах Сонгинохайрхан дүүргийн жишиг нэгдсэн эмнэлэгт ажиллах хүсэл сонирхолтой байх,
  • Төгсөөд  үндсэн  мэргэжлээрээ 5-аас доошгүй жил тасралтгүй,  тогтвор суурьшилтай ажиллах
  • Англи хэлний дунд шат /Intermediate/-аас дээш түвшины мэдлэгтэй байх,     
  • Багаар хамтран ажиллах чадвартай, бүтээлч сэтгэлгээтэй байх,  

Дээрх шаардлагыг хангасан,  үндсэн мэргэшлийн элсэлтийн  шалгалтанд тэнцсэн элсэгчидтэй  сонгон шалгаруулах комисс ярилцлага хийнэ.  Ярилцлаганд  тэнцсэн тохиолдолд  4 талт гэрээ байгуулна.