Мэдээ:
  • Төрөлт:Улсын хэмжээнд 2018 оны эхний 10 сарын байдлаар 64 112 эх төрсөн нь өнгөрсөн оны мөн үеэс 3295 төрөлтөөр буюу 5.4 хувиар өссөн байна. Амьд төрсөн хүүхэд:2018 оны эхний 10 сарын байдлаар улсын хэмжээнд 64 515 хүүхэд амьд төрсөн нь өнгөрсөн оны мөн үеэс 3328 хүүхдээр буюу 5.4 хувиар өсчээ. Амьд төрсөн хүүхдийн 33 172 буюу 51.4 хувь нь хүү, 31 343 буюу 48.6 хувь нь охин байна. Эхийн эндэгдэл:Улсын хэмжээнд 2018 оны эхний 10 сарын байдлаар эхийн эндэгдлийн 15 тохиолдол бүртгэгдэж, 100 000 амьд төрөлтөд 23.3 байгаа нь өнгөрсөн оны мөн үеэс 100 000 амьд төрөлтөд 1.2-оор буурсан байна. Нялхсын эндэгдэл:Улсын хэмжээнд нялхсын эндэгдлийн 865 тохиолдол бүртгэгдэж, 1000 амьд төрөлтөд 13.4 ногдож байгаа нь өнгөрсөн оны мөн үетэй харьцуулахад 16 тохиолдлоор өссөн хэдий ч 1000 амьд төрөлтөд 0.5-оор буурсан үзүүлэлттэй байна. Тав хүртэлх насны хүүхдийн эндэгдэл:Улсын хэмжээнд 2018 оны эхний 10 сарын байдлаар тав хүртэлх насны хүүхдийн эндэгдлийн 1088 тохиолдол бүртгэгдэж, 1000 амьд төрөлтөд 16.9 ногдож байгаа нь өмнөх оны мөн үетэй харьцуулахад 54 тохиолдлоор нэмэгдсэн байна. Нас баралт:2018 оны эхний 10 сарын байдлаар нас баралтын 14 360 тохиолдол бүртгэгдсэн нь өнгөрсөн оны мөн үеэс 1251 тохиолдлоор өссөн байна. Нийт нас баралтын 8689 тохиолдол буюу 60.5 хувь нь эрэгтэй, 5671 буюу 39.5 хувь нь эмэгтэй байна. Халдварт өвчин:Улсын хэмжээнд 26 төрлийн 34 300 халдварт өвчний тохиолдол бүртгэгдэж, 10 000 хүн амд 107.9 ногдож байна. Өмнөх оны мөн үеэс 2395 тохиолдлоор буюу 10 000 хүн амд ногдох өвчлөл 12.1-оор буурсан байна.

Мэдээ, мэдээлэл

Мэргэшүүлэх болон давтан сургалт эрхлэж буй байгууллагуудад Эрүүл мэндийн сайд, Боловсрол, соёл, шинжлэх ухааны сайдын хамтарсан 2011 оны 408/500 дугаар тушаалын дагуу эмнэлгийн мэргэжилтний төрөлжсөн болон үндсэн мэргэжил эзэмшүүлэх, мэргэжил дээшлүүлэх сургалтын явцад эмнэлгийн мэргэжилтний хөгжлийн зөвлөлийн ажлын албанаас Эрүүл Мэндийн Хөгжлийн төвийн захирлын баталсан удирдамжийн дагуу үнэлгээ хийж байна.

Эрүүл мэндийн тогтолцооны судалгааны алба нь аймаг, нийслэлийн эрүүл мэндийн газар, төв эмнэлэг, үндэсний төвүүд болон хувийн хувшлийн эрүүл мэндийн байгууллагуудаас эмнэлгийн тоног төхөөрөмжийн инженер, техникийн ажилтаны мэдлэг мэргэшлийн талаар болон сургалтын хэрэгцээг тодорхойлох зорилгоор судалгаа авсан.

“Түргэн тусламжийн сүлжээ” хөтөлбөрийг хэрэгжүүлэх, орон нутгийн онцгой байдлын газрын аврагч нарын эмнэлгийн анхны тусламж  үзүүлэх  чадавхийг нэмэгдүүлэх  зорилгоор Эрүүл мэндийн хөгжлийн төвийн Түргэн тусламжийн үйлчилгээний алба, Нийслэлийн яаралтай тусламжийн төв, Онцгой байдлын ерөнхий газраас  хамтран 21 аймгийн  онцгой байдлын аврагч  болохоор бэлтгэгдэж буй  61 хүнд “АВРАГЧИД- ЭМНЭЛГИЙН АНХАН ШАТНЫ  ТУСЛАМЖ” сургалтыг  2012 оны 11 сарын 05-аас 12-ны өдрүүдэд  Онцгой байдлын Ерөнхий Газрын аврах тусгай ангийн сургалт арга зүйн төвд зохион байгуулж байна.

Эрүүл мэндийн мэдээллийн мэргэжилтэн эмч нарын чадавхийг бэхжүүлэх  төгсөлтийн дараахь 21 хоногийн сургалт  2012 оны 10 дугаар сарын  18 –наас эхэллээ.Энэхүү сургалтыг Глобал сангийн ДОХ сүрьеэгийн төслөөс санхүүжүүлж,  НЭМС болон Эрүүл мэндийн хөгжлийн төв  хамтран  зохион байгуулж байна.